真係估唔到，四月份o既台灣仲係好靚，好舒服，竟然因為一個咁大o既風災，攪到咁多人家散人亡！！！
真係天有不測之風雲…… 希望各位傷者及死傷者家屬都能夠慢慢忘記傷痛…… 堅強咁重新過生活！
好啦！講返個旅行先！大家冇睇錯！係台灣，我又去台灣啦！！不過～～～
今次係阿里山 + 清境 + 台北 ! ^_^
今次係阿里山 + 清境 + 台北 ! ^_^
話說去呢個旅行，我同 Eric 都好擔心，因為…… 香港天氣超差，狂風暴雨，睇埋中央氣象局都係黑雲閃電暴雨！！
如果去到台灣都係咁…… 到時就會睇唔到日出，玩唔到羊羊，即係我哋今次o既重點都會冇晒～～～ >.<
仲有得揀逃生門位, 仲要唔駛加錢添!! 你地睇, 幾鬆動~!
今日係第一日，出乎意料地，去到高雄竟然冇落雨，仲要好曬添！
我哋一到埗，朋友仔就帶我哋去咗間好有特色o既餐廳 — "新台灣原味餐廳"食飯～～
聽朋友仔講，呢間餐廳裡面o既物品，好多都係日據時代流傳落o黎o既！
我哋叫咗：梅嶺梅汁脆皮雞 (幾好味)、豬油撈飯 (見仁見智)、鹽酥小卷 (OK)、粉蒸肉 (由於有碎骨, 我唔鐘意!!! 但係幾好食o既~)、炒野蓮 (超愛!! 好好味, 爽口～ 大家可以一試) 同埋豉菜蚵仔湯 (掛住食唔記得咗影相 XD)
食飽飽之後，我哋同埋朋友仔就去咗旗津踩電動單車啦！！(爽爆！！) 仲去咗上年我同傻燕同傻熊都冇去到o既"高雄旗津燈塔" 添！
上咗船～ 全速前進！！！
到咗啦！經歷過上年慘痛o既經驗！我建議第一時間去咗租單車先～
睇下我同 Amy 幾咁認真～
我同 Eric 揀咗一架電動單車～
Amy 揀咗雙人單車踩住先, 跟住等埋林大哥一齊踩～
行完之後, 我地就落返山去食甜品啦！！我推介佢哋食斗六冰室！好味道！！
啱啱食完, 林大哥電話就到啦～ 我哋一行三人就回程去碼頭接林大哥, 再一齊踩單車去 風車公園 啦！可惜o既係，今次逗留响風車公園o既時間太短…… 同埋加上今日係陰天…… 完全o徒料呀！！！
踩車回程o既時候，發生咗段小插曲，都唔知好喊定好笑～
Eric 本來都踩得好開心，可惜，到到最尾，竟然 "Pin" 車 "Pin" 晒 D 電！！！ 攪到真係要用人力踩！！(架車因為有舊電池响尾，勁重！)
我提議話不如輪流踩，冇咁辛苦嘛～ 但係佢好堅毅咁話唔駛！ 結果…… 佢踩到半死至返到碼頭還車…… 真係辛苦晒呀！！！>_<
半死之後，我哋就買咗 D 海鮮返朋友屋企食，勁抵，加上 Amy 自製o既牛腩排骨煲！正到暈！勁好味！！
飽晒之後，朋友仔同我哋去咗行 瑞豐夜市！！ 果度好大，好多野食，好多o野行，我哋兩個好後悔頭先食到咁飽……
嘩..... D 餅大隻到.... 點食呀.....
呢期興掉棒球, 結果............. 我竟然係屎到一個 No. 都唔中o既....... 仲要俾Amy 同 Eric 笑！！！
飲飽食醉後，我哋就拖住攰到爆o既身軀返朋友家借宿一宵啦～～
沒有留言:
張貼留言