Feb 2013 進度表 -- 倒數 1 個月！！！！人唔閒, 心亦唔閒～～

仲有一個月！！！！
唔知點解, 一過完年, 感覺 D 時間好似識飛咁～ 覺得開始唔夠用啦！！今個二月仲要小咗日！！！成日好似好忙咁, 但係又唔知忙緊乜！但係一睇個日曆 咁 full o既！？開始好心急, 但係又唔知急乜......


帖方面派咗一半, 有 D 仲努力緊, 原來派帖真係可以睇到好多層出不窮o既反應與回覆！！當中都有開心同唔開心啦～ 開心o既, 就係有 D 唔駛叫都已經自動追我拎帖, 你咁俾面肯出席我o既婚禮, 我真係深感榮幸～～ 

唔開心o既..... 有 D 好 fd 好 fd o既, 點知...... 到最後居然玩失蹤唔覆...... 其實如果朋友們你地真係忙, 唔緊要o嫁, 坦坦白白講, 個感覺總好過唔覆囉...... 你叫我預唔預你個位好呢？？

Jan 2013 進度表 -- 倒數 2 個月！！開始o黎料啦！！

仲有兩個月！！！！
帖方面攪掂晒, 利太仲早咗小小起到貨, 19 Jan 2013 俾我地拎咗返屋企啦！！ o黎緊將會係好忙o既派帖 + 問人數o既日子！硬係覺得好似遲咗問咁添！！

而 Eric 仍然係未睇得啱男禮, 而家都淨係得一套黑色o者！要加油啦！！今個月順利攪掂咗好幾樣o野！
1) 全部姐妹都成功去咗 Like 拎姐妹裙啦～～
2) Eric 成功係祥興拎咗西裝啦！細佬亦係祥興 Fitting 咗等拎西裝～

3) 我 Final hold 咗 In Wedding 件婚紗、老豆、媽咪同Eric "女麻""女麻" 都係 In Wedding Hold 咗衫啦～ 

Dec 2012 進度表 -- 倒數 3 個月！！

仲有三個月咋！！！！

今個月已經成功過完大禮！！我已經正式被落訂啦！！

帖方面亦對晒稿, 開始印緊啦！！不過由於我地改o黎改去, 本來一月頭已經可以收貨, 結果而家就要 23 Jan 2013 至有得拎啦！！！

炸彈最快都要一月尾至可以派發啦！  好彩媽咪話正月都可以派帖o者, 如果唔係真係呢咁 hea！

Nov 2012 進度表 -- 倒數 4 個月！！

仲有四個月就係我地o既大日子啦！其實心情都尚可, 唔算太緊張, 仲係 hea hea 地咁～

今個月最大打擊莫過於 19 Nov 2012 (Tue) 姐妹裙公司話俾我知因為業主唔續租俾佢, 佢要搬, 又未物色到新地方, 我婚期近怕會影響到我 D 姐妹裙, 所以特登打俾我問我繼續 (但係所有裙要 1月底前拎走晒) 定係退款！！ 收到亞寶呢個電話我真係晴天霹靂～～～～ 同時亦覺得佢都真係非常之有良心～ 俾著其他公司, 真係極度有可能走佬話之你～ 又或者聲都唔聲就改地點拎貨要你就佢～ 最後同 Eric 商量完 (21 Nov 2012), 都係決定繼續用呢間公司, 至多 1月拎走晒 D 裙, 3月份再睇下姐妹們需唔需要做多次 Fitting～ 其實 hea hea 地o既我本來都打算12月頭同班姐妹上去度身造裙, 點知, 突然俾呢單野嚇一嚇, 攪到即刻約晒班姐妹 24 Nov 2012 (Sat) 提前上去度身, 為求佢一月可以俾到裙我, 唔駛擔心 D 姐妹冇裙著！！最難得亦令我好驚喜o既係！我响咁急o既情況之下, 仲要係約 Sat, 竟然可以約齊人上去度身！！(雖則 Sandy 因為要陪媽咪睇醫生所以轉咗第二日度身！) 亦好感謝亞 Wing 病住都俾面出黎度身！！！我愛你地呀！！)

Oct 2012 進度表 -- 倒數 5 個月！！

仲有五個月就係我地o既大日子啦！心情開始有小小緊張～ 因為大件野唔難攪, 只怕係 D 濕濕碎碎o既細微野, 呢 D 真係要到時做到至會記得要做！！

今個月仍然係懶到爆, 冇做到 D 咩呀！最大o既落實, 就係 -- 我地正式租咗屋啦！！！！！
不過我地只係拜咗四角, 同埋响月尾至開始進行清潔咋～ 其他傢俬...... 乜都未攪 

另外：

Sept 2012 進度表 -- 倒數 6 個月！！

時間過得真係好～～快！仲有半年就係我地o既大日子啦！

今個月放咗日假, 同 Eric 上褔田 hea 咗三日, 期間仲去埋筍崗掃貨 

另外：

Aug 2012 進度表 -- 倒數 7 個月！！

今個月最大o既盛事就係玩 Facebook "萬人 LIKE", 贏咗啦！！得到o既奬品係由 Show Sweets Photography 送出o既 "Free Engagement Photo + Save The Date Video Shooting"！勁開心呀！！！    (已經拍完片, 等製成品, kekeke)

另外：

1) 去咗 In Wedding First Hold 啦～ 睇o黎都係要著 4-5" o既高踭鞋..... 唉～～～ 冇計啦, 鬼叫自己咁嬌小咩！
2) Eric 亦去咗錦發租馬褂！！！超型仔呀！！
3) 係 8 月婚展 Join 咗毅力做婚前檢查啦～ 仲 Join 埋打針 Plan 添～ 

July 2012 進度表 -- 倒數 8 個月！！

數一數, 原來仲有 8 個月就結婚啦！
今個月去咗 Ballroom 度定咗第一次款~ 條超級魚尾俾人揀咗, 冇期啦！！！最晴天霹靂係！！！！！去 In Wedding 睇下有咩婚紗啱啦, 竟然發現, 原來佢地係冇得幫人改長短o嫁！！！！ＳＯ ＳＨＸＴ！！！！
不過老闆娘都好均真, 佢話如果我真係揀唔啱, 佢可以退返訂金俾我～ 

May 2012 進度表 -- 倒數 10 個月

我終於捨得寫進度啦！其實而家至寫, 真係遲咗小小  事關 D 大型項目已經完成啦！