我的試妝相～ 第一次私有化～～ XD

我o既第一次私有化, 其實佢化妝係唔錯o既, 只係我唔夠靚女o者～
分享 D 恐怖試妝相俾大家睇吓先～ 嚇親者請見諒～～～ hahaha 
首先o黎張有咁遠得咁遠o既妝前相先 ！豆豉眼 + 包包面～)
果日 Sum Sum 見到我, 佢話我同 facebook 個樣唔同, 瘦 D 同埋對眼冇咁腫, 差 D 認我唔到！ 我話係呀, 因為我肥咗同埋琴晚飲咗水至訓, 所以會腫 D ............

    

我 D friends 話呢個勁似 "元秋頭"！跟住我話 [ 咁 Eric 咪要即場爆花樽囉？？ ]

全場爆笑～

再o黎個恐怖大近鏡, 影吓對眼俾大家睇吓先！佢初初用啡色, 但係後尾轉咗色, 因為佢話佢覺得啡色唔襯我 (冇影相), 會成熟咗～ 我可以化得 Sweet D～

佢好大膽咁用咗 粉紅 + 粉橙 做眼影～ 但係單眼皮o既我都受到喎～ 竟然會唔腫！勁！！！
(我仲影咗張落咗一半妝o既相, 但係果張就真係無謂獻世啦～ Eric 話我落咗妝果隻眼, 好似俾人打腫咗咁！  真係好驚嚇o嫁！！！)

Sum Sum 話我最好戴啡色o既大眼仔, 咁個眼妝就會更靚啦～

   

第一個頭 -- 個個都話呢個頭比較成熟..... 我接受到, 不過未至於最好～

   

佢好努力咁一路影相, 一路幫我執漏～

     

第二個頭 -- 呢個頭係一致好評o既, 我哋個個都好鐘意！咁我都自己知自己事, 因為我包包面, 所以一定係要放 D 頭髮落o黎至會好睇～

而胭脂方面, 佢加深咗粉紅, 話影相會出 D, 靚 D, 我係認同o既！不過現場睇就真係幾紅吓～ 或者晚宴燈光會比較適合～

    

第三個頭 -- All Back！冇諗過我會受到喎！因為平時我梳晒上去會變咗個婆仔, 我同 Eric 都鐘意呢個頭, 但係 D 女仔 friends 話成熟咗 D............ 我反而又覺得幾型喎～ 不過我覺得如果後面 Set 得花巧 D, 多花款會仲正 D～ 大家覺得呢？

   

   

   

MUA 試妝後感

話說琴晚發生咗件唔係好愉快o既事, 令到我同 Eric 都好唔高興, 仲有諗過如果去到見到個 MUA 覺得唔對路, 就一於唔試妝, 叫佢 Refund 走人！！
我諗如果講呢位 MUA 個名出o黎, 可能有好多人都會好意外 / 大跌眼鏡！又或者會俾佢 D fans 鬧, 因為連我都冇諗過人人有讚冇彈o既佢, 竟然會由我同男友覺得佢响時間責任感方面有問題！！(詳情見上篇 "聽日第一次試妝啦")講返今日試妝過程先！
初前本來係約 2:00pm o既, 但係琴晚我唔問都唔講, 個 MUA 話要改 3:00pm～
我, 我男友, 同埋兩個女仔 friends 2:40pm 倒上到去, MUA 已經响度啦～ (果吓條氣都叫做順一順, 起碼唔駛真係要等到 3:00pm)

試妝過程都叫做順利, 可能我哋幾條友講o既o野太攪笑, 本來 cool cool 哋o既 MUA 都有笑埋一份～

佢試妝果陣好認真, 佢幫我執條眉, 化好咗亦有不斷幫我影相, 同埋好努力咁幫我執漏, 每化完一個妝, 佢表露出好滿意, 好鐘意, 好滿足o既笑容, 果刻, 我感覺我好似一件經佢手創造出o黎o既 "完美藝術品" 咁！
佢勁影相, 笑到我個口都梗埋, 我响度諗, 只係試妝影相都已經笑到咁攰, Big Day 果日要狂同 D 賓客影相, 咪攰到嘔！！！！！
朋友們都話佢認真, 細心, 有心機, 個妝又靚, 底妝都薄同貼～ 我見佢咁熱愛佢o既工作, 段估佢都唔會容許個妝出咩意外卦........
經過一輪商議之後, 我地一致通過係 OK o既～ 我 Join 咗啦～～～ 
不過其實我都有小小擔心o嫁, 擔心佢大日子會遲到！！
希望 Big Day 唔好再有遲到 / 改時間o既情況發生啦！！ 

廢事嚇親大家, 所以相片已經進行咗私有化～ 想睇試妝相o既就留言 add 我啦～

(但係唔知點解, 由我 Join 咗開始, 我就成日响度擔心, 我有冇衝動咗, 我係咪應該試多幾個呢？但係 Eric 同陪同試妝o既幾位朋友都話其實個妝係 OK o既, 我睇返 D 相, 佢 Post o既化妝相, 我都覺得靚個喎～ 我真係唔知道我究竟响度擔心緊 D 咩！)

而令我最震驚o既係！！！冇陪我去試妝o既家姐同媽咪, 竟然覺得, 上次同我玩妝做 Model o既 MUA 化得我靚 D！！！(但係我覺得超厚粉喎, 同埋亦因為經過呢兩次玩妝o既經驗, 令我更加覺得今次正式試妝, 個妝薄同貼好多！！！) 媽咪佢哋話唔鐘意呢個 MUA D 曱甴腳喎.....覺得劃眼線靚 D 喎...... 大家覺得呢！？唉..... 好唔開心呀.......

聽日第一次試妝啦！

啱啱發生咗件事, 令我唔係好高興！

話說我聽日約好咗試妝～ 我 7 月尾 Send email 去約試妝, 响 8 月中已經 Send 咗次 Reminder 俾個 MUA, 佢冇問題, 仲話 OK, 用 email confirm 晒 D 時間同日子個喎！

我頭先手痕 Send reminder 俾個 MUA, 佢竟然話朝早有o野做, 所以要遲一個鐘呀, 驚趕唔切返鋪～

果吓我真係有小小唔多高興, 乜唔係約咗幾點就幾點o既呢咩！？同埋點解你唔早 D 同我講, 要我 remind 你, 你至話我知你要遲 D? 如果我冇再 remind 你, 你會唔會唔記得係約咗我？定係要我係鋪頭白等佢呢？

當時我同男友傾緊電話, 佢知道後勁唔高興 (佢不嬲都好有時間觀念), 跟住仲叫我覆返果個 MUA, 問佢有冇記錯客人, 我係約咗聽日幾點果位喎.....
跟住佢仲未覆我呀！！

佢仲要唔係唔出名個喎, 我係睇到好多人讚佢, 未見過人彈佢, 又話佢快手, 化妝又掂, 又有責任心！我睇過 D 化妝相又 OK 至會約佢試妝, 點知一開始就咁樣.........

我哋而家真係好慶呀！！！Send 咗 msg 俾佢佢又唔覆, 咁家陣即係算點？你算係通知我改時間啦喎！乜你唔係應該問吓我 可唔可以 / 方唔方便 改時間o既咩！？我真係覺得我呢位客人, 好不被尊重囉！
我男友對佢冇咩信心, 仲話如果 Big Day 果日係咁, 咁點算呀！？我係咪要約定另一個心水呢？

貪過癮之 -- 我要做 Model (私有化)

遊 Blog 河期間, 見到呢位 MUA 搵人做玩妝 Model, 未玩過o既我, 一於貪過癮去玩吓, keke

好老實, 我覺得佢個妝底都打得幾厚, 可能我未試過俾人化新娘妝啦～ 所以唔習慣o者～ 我終於明白點解朋友會叫我試多 D 妝, 因為未必一時間會接受到自己個粉樣～

不過當我玩完妝, 抺淡咗小小走人o既時候, 响條街度, 我真係冇乜自信, 完全係 dum 低個頭行路, 因為, 實在太太太太太濃啦！！！可能我真係唔慣咁濃啦！！！我去到我男友屋企, 佢同佢媽咪都覺得個妝唔襯我, 太濃啦～
不過都係玩吓o者～ OK o既, haha

(但係令我最震驚o既係！！！我家姐同媽咪竟然會覺得呢個 MUA 化得我靚 D！！好過 Sum Sum 喎！！佢哋話唔鐘意 D 曱甴腳喎....... 大家覺得呢！？唉..... 好唔開心呀.......)

褂 Look～

 

晚裝 Look