上 Show Sweets workshop 進行磋商

(我實在太懶啦！拍完片都仲未捨得寫返再一次 "Facebook 萬人 LIKE" o既 Post！一於的起心肝寫寫佢先！)  

宣佈得奬o既第二日 (11 Aug 12), Show Sweets 已經好快咁係 facebook 聯絡咗我, 仲約咗 13 Aug 12 上去傾 Free Engagement photo + video shooting o既細節～ 

一切準備就緒, 點知 Eric 突然打俾我, 半死o既聲線話佢個胃唔舒服, 所以過唔到o黎啦～ 咁冇計啦～ 我唯有單拖過去啦。其實都有諗過改日子再傾o既, 但係後尾打去問咗對方, 佢話唔駛即刻決定去邊度影 / 影 D 咩, 只係傾下有 D 咩需要留意就得o嫁啦～ 咁 OK 啦～ 咪照去囉～ (點知俾人冼咗！！！！)

心郁郁～ 周圍郁～

事隔 MC 揀相已經有兩個禮拜～

但係有兩張o向威尼斯人影o既相, 就令我心掛掛o左兩個禮拜～
一張係個景大大, 人物細細o既雙人鍚鍚, 一張係我o既單人照～

其實我都十五十六加唔加好o既, 但係..... 又有小小掛住佢地喎！！
最終我忍唔住, 決定打去 MC 搵 Anson, 點知佢放假, 轉o左由 Debbie 負責～
我即刻向 Debbie 表明來意, 好彩～ D soft copy 仲係度, 但係 D 入相簿o既資料就已經 Send 走晒, 就算加相都入唔到相簿o嫁啦～～～～ 只可以加到 Soft copy！

Modern Classic 揀相記 (私)

終於都揀完相啦！！揀相過程愉快～ D 相 OK la, 你話好靚叮叮聲又唔係, 唔靚又絕對唔係, 我同 Eric 都覺得係平穩, 正正常常之作！我地俾 85 分啦～我地約咗 12:00pm, 準時到步, Anson 招呼我地坐低, D 相已經 Stand by 咗, total 只係得 211 張俾我地揀咋！！！我第一個反應係諗, 點解得咁少o既？？我好多朋友都有成三百幾張揀個喎～ (唔同公司)  明明我地影咗好多格！

Modern Classic 揀相記

終於都揀完相啦！！揀相過程愉快～ D 相 OK la, 你話好靚叮叮聲又唔係, 唔靚又絕對唔係, 我同 Eric 都覺得係平穩, 正正常常之作！我地俾 85 分啦～
我地約咗 12:00pm, 準時到步, Anson 招呼我地坐低, D 相已經 Stand by 咗, total 只係得 211 張俾我地揀咋！！！我第一個反應係諗, 點解得咁少o既？？我好多朋友都有成三百幾張揀個喎～ (唔同公司)  明明我地影咗好多格！

澳門 Pre-Wedding Day 3

30 Mar 2012

一影完相, 我地兩個即刻黎個大解放～ 
去法蘭度擦餐勁o既！！ 

  

澳門 Pre-Wedding Day 2

29 Mar 2012

 

今日影相啦！！！要食飽 D, 因為起碼 3 點至有飯食！！超開心, 28/3 仲係好多煙霞, 但係今日就好好太陽, 天朗氣清～ 正呀！！

好彩飲咗杯齋啡o者～ 全日都唔眼訓～



琴日 MC 約咗我地 12:00pm 去化妝, 我o地因為怕遲出發, 所要佢地提議 11:30am 化妝, 我地準時到達, 但係點知都係要等到 12:00pm 至開始化..... 搵笨o既！！

澳門 Pre-Wedding Day 1

28 Mar 2012

我地影完返o黎啦~~ ^o^  o拿o拿聲整返個大事回顧 Day 1 先！

出發啦！！好多人呀！！！ 估唔到平日o既港澳碼頭係咁多人o嫁！係多人到乞人憎.............. 呢度只係 "一小部份" 咋！未入o黎候船區, 出面仲多人呀！！好似襯墟 + 走難咁！！！！好恐怖！

只可惜我o地掛住等上船同埋執返好 D o野落 Eric 個喼度, 攪到冇影低我o地 D 走難式婚紗相行李, 可惜呀！！！！ 

Pre-Wedding -- 道具物資篇

我好開心同好榮幸, 識到一班 Discuss 2013 新人, 大家都好好傾, 又會互相幫忙～ 真係開心～

佢地仲好好人咁借物資俾我影相添！！

特別鳴謝：Num、丁丁、Ka Man、Moon (排名不分先後) o既大力幫忙！！


人地去迪士尼做足準備, o黎緊 29/3 號就影相啦！為o左 D 相得意 D, 同埋有氣氛 D, 我都要做足準備～ 我準備咗小小道具～

Pre-Wedding 天氣預測 -- 多雲有薄霧!!!!

多雲有薄霧！多雲有薄霧！多雲有薄霧！多雲有薄霧！多雲有薄霧！多雲有薄霧！多雲有薄霧！多雲有薄霧！多雲有薄霧！多雲有薄霧！多雲有薄霧！多雲有薄霧！多雲有薄霧！多雲有薄霧！多雲有薄霧！多雲有薄霧！多雲有薄霧！多雲有薄霧！多雲有薄霧！多雲有薄霧！多雲有薄霧！多雲有薄霧！
T_T

影相天氣～ 緊張緊張～

因為 29/3/2012 (Thu) 要去澳門影相啦～ 個人開始緊張.......
唔係緊張 D 相影得好唔好 (應該係話未開始緊張呢樣o野), 而係擔心天氣問題～ 天氣唔好, 個景幾靚都冇用啦...... 

早兩日天氣真係好好, 好開心～ 但係媽咪話, 近清明, 多數會天陰同落毛毛雨個喎.......唉..... 即刻唔開心........ T_T 

http://hk.weather.yahoo.com/

  希望 28/3 - 30/3 都好似上個星期六日咁好天氣啦！！

♥ 如何選擇婚紗攝影公司/攝影師 ♥

遊 Blog 河期間見到有個 Post 借o黎同大家分享～～

幫大家分析一下比併大公司和私人影師的分別 (不喜勿插^^)，令大家更容易揀選適合的婚紗攝影。

♥風格♥

婚紗公司 : 風格比較簡單但穩陣, 一般大路攝影, 欠缺特別。

私人影師 : 風格通常比較特別, 主要是以自己口碑靠客人傳開去,所以會著重自己的風格來吸引客人!

影婚紗相前o既注意事項～

資料蒐集
閱讀國內外新娘雜誌、上網 瀏覽自己喜歡的圖片，或是從電影、MV或唱片海報尋求靈感，從髮型、化妝、服裝、配件、背景到動作設計皆可參考，對於自己喜歡和適合的風格越能明確掌握越 能令美麗加分！

挑選禮服
依照自身的體型、個性和喜好，參考雜誌或網路上的婚紗禮服照片，選擇自己最喜歡的款式。

到婚紗公司挑選禮服時，可與新郎和好友一同前往，可以提供不同角度的看法。一般而言，拍攝內外景時會提供各一套白紗，其餘數套為晚禮服。挑選要點：不同款 式、不同顏色，考慮拍攝地點的場景特色，務求拍攝時達到最好的效果。

新娘 & 新郎拍攝須知及建議

現代經典 <新娘&新郎拍攝須知及建議>


新娘:

揀相注意事項

影相技巧
朋友分享咗小小 Tips 俾我, 我又 share 出黎俾將會去影婚紗相既 Blog 友仔, 希望大家開開心心影番輯靚相啦！！

1. 唔使買婚紗鞋, 因為影唔到架, 著平底鞋最舒服, 要行成日又要企~ ( 除非你選短身婚紗, 又或者你老公係高人 )
2. 男人要自備白企領裇
3. 自備零食, 肚餓隨時有得食
4. 女仔唔使化妝 / 剪髮, 幾亂都得。唔使減肥, 因為佢地會幫你執。
5. 老公們, 到時唔好比佢地幫你擦粉, 如有暗蒼叫老婆幫手遮定。(除非你想變成"白面書生", 加上佢幫你執相後會再白少少 )

Pre-Wedding 特別嗚謝篇

响呢度真係特別多謝跟我哋張單果位香港現代經典 Sales -- Joanne, 佢都算係咁, 因為我哋覺得佢張單 D 細節位寫得唔夠仔細, 同埋我哋都算早 Book, 又驚到到 2012 年影相果陣會唔記得 D 細節, 所以自己做咗張 Summary 俾佢, 叫佢跟跟眼, 同埋幫手確認返。

點知佢公司死人都唔肯, 而 Joanne 就好好人, 都有幫我哋 follow 同埋同公司講, 而我同 Eric "揭"而不捨o既精神, 三月同六o既婚紗展都有去佢哋 Counter 詢問及跟進, 有次去開 TST 都有去問問進度。

臨尾仲去埋佢哋鋪頭同埋佢上司一齊傾掂佢, 果晚仲由 7:30 攪到 11:00pm, 加上 Joanne o既幫忙, 件事都叫做完滿解決咗～

我同 Eric 仲成日講笑, 話萬下手佢哋公司以後都唔會再接我哋o既單！！呢 Pair 客實在太麻煩啦！！！

希望, 我哋會影得順順利利, 無煩惱, 一 Take 過攪掂啦～

亦都希望我可以响後期製作再大大力咁多謝你啦～ keeekkeke

Confirmed Pre-Wedding！！！

o黎到 2 月份o既婚紗展啦！！2 月12 日, 我哋終於都 Confirm 咗我哋o既 Pre-Wedding 公司！！！

佢就係 "香港現代經典" 啦！！我哋係決定影澳門o既！

我同 Eric 每逢諗起 "香港現代經典" 就好想大笑, 因為响我哋 Confirm 用邊間之前, 我哋已經睇過及同佢哋磋商過三四次, 睇到個 Sales 都認得同埋都驚咗我哋, 但係佢每次都會好 Nice 咁招呼我哋o既～

由於我同 Eric 都鐘意小小歐陸風情, 我哋 Join 咗 E1008-C 澳門萊斯酒店 (80檔)  @價錢 HKD12,980.00 o既 Package, 包酒店同埋早餐, 會由澳門現代經典負責幫我哋化妝同埋影相 (如果想指定香港/澳門某攝影師, 就要另外加錢), 至於所有揀相同後期製作, 都會係由香港現代經典跟返～

大家緊記, 要留意, 深圳現代經典並唔係同佢哋有關係o既公司！！只係個名似o者！

So far 我好努力咁搵呢間公司有冇 D 咩負面新聞, 都唔知係好事定唔好事, 我係搵唔到o既～ 同埋佢都唔算話好多資料俾我搵得到, 反而深圳現代經典就大把資料搵到！！

好慶幸哋, 係 Yahoo Blog 叫做搵到多 D 用家o既資料, 多謝晒咁多位 Blog 友無私o既奉獻！！

Pre-Wedding 揀揀揀

忽然至醒起, 我原來一直都唔記得將 Pre-Wedding D 資料寫返出o黎做紀錄, 其實响 2011 年 2 月份果個婚紗展已經 Book 咗, 等我拿拿聲寫返出o黎先。

其實响 Eric 求婚 (10月) 之前, 我哋都有入過幾婚紗展, 諗住預算吓結婚o既開支, 樣樣都睇, 攞吓料, 好預數～
一開始就梗係係咁睇 Pre-Wedding 同酒席啦～

未打算結婚之前, 都有諗過去台灣影相 (唔知點解我哋冇諗過去日本 / 其他地方影 Pre-wedding) 但係睇完資料, 再計吓條數～ 嘩～～ 都真係幾多跟尾錢要計, 為咗可以儲多D 錢買樓, 我唯有忍痛放棄！

咁即係選擇仲有 -- 香港、澳門同大陸

行婚紗展睇咗好多間 Pre-Wedding 公司, 唔知點解, 我同 Eric 都冇將 Monalisa, 新天地, France Bridal 呢 D 例牌香港公司列為考慮之列。

1) I Do -- 本來都俾佢吸引咗, 仲睇埋 Pacakge, 初初都傾得好地地, 都幾滿意添, 但係傾到 D 細節位, 我哋唔問佢, 佢都唔話我哋知星期六日影要加 HKD500.00, 唔包白色西裝, 要著的話就要加 HKD500.00, 仲要另收 HKD500.00 清潔費喎。傾咗一陣, 我哋反問佢, 你白色西裝已經要加錢, 點解仲要俾多 HKD500.00 清潔費你？Sales 話: [ 因為白色易"烏租", 成日要洗, 好快殘, 公司要換過新o既。] Eric 好客氣咁即刻反問佢: [乜你哋黑色西裝唔駛洗o既咩？？咁你哋 D 衫要換過新o既, 都係公司問題, 冇理由咁樣就要加咁多錢o者～] Sales 一下子唔知點回應, 態度開始麻麻地: [ 公司規矩, 無論點都好, 總之加錢著白色就要俾 HKD500.00 清潔費啦！] 嘩～ 咁老奉, 你慢慢搵客啦, Bye Bye～

2) 3V -- 有朋友影過, 同埋聽 D 人講都話幾好, 所以去八吓, 睇過 D 相版感覺 OK, 但係冇嘩一聲o既感覺, 要再考慮考慮, 唯一好處係平, 同埋包勁多相！！！

3) 深圳現代經典 -- 以為係香港同澳門o既分公司, 點知唔係！！想法同好處同 3V一樣～

4) 香港現代經典 -- 行過俾佢o既 "香港 + 澳門婚紗攝影, 另送萊斯酒店一晚" 吸引咗, 傾咗好耐, 但係都冇開到單, 因為 Eric 奇怪有冇咁大隻"夾拿"送酒店, 同埋只係初步, 我哋想再睇吓先。