^ O ^ 高雄 + 墾丁激曬激熱之旅 2/7/08 (Day 2)

o黎到 Day 2 啦！我哋四隻國寶一早起身食完個酒店早餐 ( 麻麻哋o即，都冇咩揀 …… )，9:00am 就即刻跳上我哋一早 Book 好o既民宿接待車 ( 原來係四人座的士…… )

出發去我哋 期待已久 o既 重點旅程 ── 墾～～丁～～！ 

 

由於車仔係四人的士，車尾廂放唔晒我哋 D 行理，有一舊被迫放响後座，我哋三位美女就坐得比較辛苦啦！唯有大家輪流換吓姿勢啦！

過咗大約個半鐘，我哋終於去到由朋友仔 Sam Sam 介紹，往墾丁必去o既第一個景點 ── 車城褔安宮！

 

褔安宮，其實係間 土地廟 o既名，呢間廟都幾大，香火都好鼎盛！

一場o黎到，我哋當然要 [ 入屋叫人，入廟拜神 ] 啦～～ 跟住仲請埋平安米添～～

     

 

  

   

  

謀殺完一輪數碼相之後，我哋就去咗買車城褔安宮 第一名產 ── 皮蛋 & 鴨蛋！

我同傻燕掃完蛋蛋之後，就坐低咗，試吓司機哥哥話好出名、好好味o既車城褔安宮 第二名產  ── 綠豆蒜刨冰！

佢本身係綠豆蓉底，可以揀熱同凍，跟住再自選配料 e.g. 湯圓仔、仙草、愛玉、清心丸、珍珠、芒果、桃 …… etc.

我就揀咗酸到爆芒果 ( 酸到盲都開眼 T_T )、愛玉同埋仙草；而朋友仔就揀咗湯丸仔、愛玉同埋仙草！

佢真係冇介紹錯！雖則芒果真係酸咗 D，但係整體o黎講，真係幾好味！  尤其响咁熱o既天氣，一啖就愛上了！

 

 

嘆完刨冰，我哋嗱嗱聲上返車，繼續行程～ 沿途風光明媚呀～～

 


坐多八個字車程，就到咗 墾丁民宿～MA MA LU LU 啦！！！
我一上到房，第一個感覺係，呀～～～～ > O < 點解只係 Book 兩晚咁小呀！！！ 早知就 Book 多晚啦！！>_<

我哋住最高o既 3/F, 裡面係一間六人房o既樓中樓！其實間房未至於好靚，但係俾到一種好舒服o既感覺我哋，若果有機會再o黎墾丁，我哋都有可能會揀返呢間住。

成間房，第一時間吸引我o既，就係條旋轉樓梯！

我哋整理一吓行李，抖咗一陣，就即刻包車去玩兼食晏啦。

  

之但係，墾丁同香港唔同～～ 原來一過咗兩點，D 食店就會休息，至到五點至會開工！！

結果 …… 我哋o既 Lunch 竟然係 "大人細路都識o既 ── 麥記 ……"

我哋仲得到一個全新體驗，就係，我哋從來未試過買四個麥記餐外賣，可以買超過半個鐘 ………………

 

响車一路食餐，一邊去咗 "船帆石" 影相

跟住就到我最想去o既主題 "鵝鑾鼻" 睇燈塔啦！！我哋仲謀殺咗好多數碼相，仲跳到好攰 …..hahah但係最可惜係，我第二想去睇o既 "台灣最南點"，响我做唔夠功課o既關係而 Miss 咗！

  

 

 

轉個頭，我哋就到咗 "貓鼻頭" 我哋搵咗好耐，先至搵到隻好似係貓o既石頭影相 …… 明明 D 人好靚家嘛！但係由於多雲，攪到 D 相影出o黎都唔多靚 ……. XD

  

由於就快日落，我哋又嗱嗱聲飛撲去 "關山" 睇日落啦！好失望呀！！！竟然而家至走o黎多雲！攪到乜都睇唔到 …….

 

話咁快就去到最後一個景點！就係 "出～～～火～～～"！朋友仔話，覺得 D 火應該唔係真係自己天然走出o黎，應該係有人安排o既！( 唔知呢？)  

 

 

玩完火之後，我哋就返墾丁食 泰國菜 啦！個餐都幾抵！( 想知個餐包 D 咩？睇相啦！^o^ )

  

  

食飽飽之後，我哋就行 墾丁大街 啦！條街都幾有特色，我同傻燕仲俾人畫咗隻貓添！

我哋特登分別畫咗兩個版本，我就畫咗隻 野性版响背脊，傻燕就畫咗隻 溫柔版响手。( 有相為証o嫁！！)

 

  

結果 ……. 一時貪過癮o既代價係，明明已經攰到爆，返到民宿都仲要等多成九個字至可以沖涼訓教 …….. @@

( 因為"紋"身哥哥話，起碼半個鐘後至好沖涼，否則怕佢會溶 ……. 等足九個字，實冇死錯人啦卦……. )

响呢段時間冇咩做, 唯有同 D 戰利品影吓沙龍～ kekekeke
 

待續 ～ Day 3 ～

^ O ^ 高雄 + 墾丁激曬激熱之旅 1/7/08 (Day 1)

懶人終於寫遊記啦！加上中間時間有 D 事發生咗，所以拖咗成個月至開始寫，真係 ……….
算啦！大家都有得睇咯，咪放過吓小妹我囉～～～ ^_^  hehe

熱熱熱熱熱！熱到爆炸 ……………….
成個行程都係响 "熱爆！" 、 "曬爆！" 同極度開心裡面度過～～～  

但係唔知咩原因，我哋一行四人都好攰，可能係响放假前夕( 公司及準備行程 ) 要做o既野實在太多，同埋飛之前果晚一個二個都鬼死咁夜訓！(一個 5:00am, 三個 3:00am！都唔知攪乜！！)

相信大家都可以响 D 相裡面，發現到一個二個由精神抖擻，漸變到殘爆，黑眼圈盡現 …………. >_<

我哋撘o既係港龍 9:00am 機去高雄～ 食完個早餐 (繼續係 Burger King) 之後就嗱嗱聲入閘啦～～

 

轉眼間，又到咗飛機餐時間，以點心黎計，只係得蝦餃同糯咪雞叫做好食 D 之外，另外果三粒燒賣 ……. 結論係 …… 都係杯咖啡最好飲～～

話咁快！一個鐘就到咗高雄啦！高雄機場俾我o既感覺係好靜、冇乜人、殘舊過台北果個多多聲。

 

過晒關，我哋就撘的士去 "高雄統茂休閒酒店"。
好老實！我哋發覺完全係俾佢網上 D 相呃晒～～ 但係唔 Book 都 Book 咗，唯有住埋果三晚啦！

   

唔知係咪太攰呢，我哋四個都選擇不如訓一陣至去 "夢時代百貨"！
 "夢時代百貨" 俾我哋第一個感覺係，佢靠咩維持、生存？佢係幾大、幾靚，但係唔知係咪 weekday o既問題，果度人影都冇隻！一去到，我哋就去咗一間叫 "食金湯" 度食o野 ( D o野食都 OK 啦～ 唯獨係果個一 D 都唔似酸辣湯o既酸辣湯差 D 囉。)

   

之後就到我哋o既目標！"Hello Kitty 摩天輪" 啦！佢有分兩種車廂，分別係透明同一般車廂。

咁我哋梗係揀一般啦～～ 因為！佢個透明車廂，真係乜公仔都冇o嫁！！！個摩天輪都幾靚，我哋仲捕捉咗好多日落相添！

 

 

落返去行商場果陣，無意間竟然俾我發現到間 "Cosmed 康是美"，有同事話用過佢賣果隻 " 我的美麗日記 " o既 Mask 幾好用，我梗係走去買幾盒黎試吓啦～

之後我哋坐接駁車去凱旋捷運站，再轉戰我哋o既晚餐 ── 台南現宰牛肉"牛總"！！！朋友仔 Sam Sam 真係冇介紹錯！嘩～～～ D 牛肉真係好好食，入口即溶！我哋四人都讚不絕口！！可惜今次你冇份o黎，食唔到，唯有下次啦！

 

食飽飽之後，我哋就拖住幾條快殘o既腿返酒店訓教啦～～～

待續 ～ Day 2 ～

^ O ^ 高雄 + 墾丁激曬激熱之旅 2008 ～ 開心行程表 ～

墾丁+ 高雄行程

 

1/7/08 TUE ( Day 1 )

07:00  集合, check-in, 食早餐
09:00  香港 → 高雄機場 ^O^
11:00  坐車去高雄統茂放低行李 
12:00  打電話跟墾丁民宿打招呼, 高雄周邊食午餐
14:00  布樂谷 HKD125 高雄市 806 前鎮區凱旋四路 700 號
20:00  夢時代逛商場 + 摩天輪
22:00  台南現宰牛肉店

24:00  回酒店

2/7/08 WED ( Day 2 )

07:00  酒店早餐
09:00  Check Out → 包車去墾丁 (NT2800)
10:30  土地廟 ( 關公餅, 咸蛋, 皮蛋必買, 酒蛋 )
12:00  到民宿 MaMaLuLu
13:00  食午餐
14:30  鵝鸞鼻 → 最南點 → 龍磐公園 → 風吹沙 → 茶山吊橋
17:30  恆春 → 後壁湖 → 貓鼻頭 → 關山日落 → 出火
20:00  遊墾丁大街 + 食晚飯 (食泰國菜好味)
22:30  回民宿

3/7/08 THU ( Day 3 ) 

08:00  早餐（民宿提供）

10:00  後壁湖 → 超級三合一活動, 快艇 + 大力水手或甜甜圈 + 浮潛
13:30  午餐
15:00  水肺體驗潛水約120-150min **含水中攝影** (屏東縣恆春鎮大光里砂尾路 16-53 號及16-54 號) NT1,800
  OR墾丁飆沙四合一 ( NT840約 30 分鐘, 屏東縣滿洲鄉港仔村(路)151-3號(32.8K處) )
18:00  遊墾丁大街 + 食晚飯 23:00  去 Bar 坐坐, 喝東西

 

4/7/08 FRI ( Day 4 )

08:00  早餐（民宿提供）
09:00  墾丁牧場, 牛牛羊咩咩
12:30  屏東國立海洋生物博物館
15:30  出發回高雄
18:00  Check-in 高雄統茂 (高雄市七賢二路 394 號)
20:00  瑞豐夜市 (左營區裕誠路和南屏路段, 開攤時間：每週二、四、五、六、日／下午6：30至凌晨1：00)
  巨蛋站1號出口往三民家商走5分鈡
22:00  回酒店

 

 

5/7/08 SAT ( Day 5 )

09:00  酒店早餐  **預留錢在酒店櫃枱以作宅配之用**
10:30  鼓山渡輪 → 旗津 → 馬頭附近豆腐花 → 掃街、必食燒魷魚→ 旗津風車公園 → 旗津燈塔( 9am – 4pm) 
  → 海岸公園 → 貝殼展示館 → 踏單車
16:00  蓮池潭 (龍虎塔)
18:00  新淈江 (五褔路, 貌似西門町)
19:00  六合夜市 ( 排骨蘇湯, 同豆苦瓜汁, 燒烏魚子 )
21:00  夜遊愛河 → 東帝士大廈睇夜景 → 漁人碼頭
24:00  回酒店

 

 

6/7/08 SUN ( Day 6 )

09:00 酒店早餐
10:30 周邊買手信 → 買黑橋牌, 高雄三多店, 幫sam買十包九層塔種子, 阿囉哈滷味 → 收拾行李
12:00 Check Out 行李寄存 + 午餐 + 壽山動物園 (高雄巿鼓山區萬壽路350號, 週二至週日0900~1630)
17:00 回酒店提行李，從酒店出發去高雄機場
20:00 起飛返香港 T_T