MUA 試妝後感

話說琴晚發生咗件唔係好愉快o既事, 令到我同 Eric 都好唔高興, 仲有諗過如果去到見到個 MUA 覺得唔對路, 就一於唔試妝, 叫佢 Refund 走人！！
我諗如果講呢位 MUA 個名出o黎, 可能有好多人都會好意外 / 大跌眼鏡！又或者會俾佢 D fans 鬧, 因為連我都冇諗過人人有讚冇彈o既佢, 竟然會由我同男友覺得佢响時間責任感方面有問題！！(詳情見上篇 "聽日第一次試妝啦")講返今日試妝過程先！
初前本來係約 2:00pm o既, 但係琴晚我唔問都唔講, 個 MUA 話要改 3:00pm～
我, 我男友, 同埋兩個女仔 friends 2:40pm 倒上到去, MUA 已經响度啦～ (果吓條氣都叫做順一順, 起碼唔駛真係要等到 3:00pm)

試妝過程都叫做順利, 可能我哋幾條友講o既o野太攪笑, 本來 cool cool 哋o既 MUA 都有笑埋一份～

佢試妝果陣好認真, 佢幫我執條眉, 化好咗亦有不斷幫我影相, 同埋好努力咁幫我執漏, 每化完一個妝, 佢表露出好滿意, 好鐘意, 好滿足o既笑容, 果刻, 我感覺我好似一件經佢手創造出o黎o既 "完美藝術品" 咁！
佢勁影相, 笑到我個口都梗埋, 我响度諗, 只係試妝影相都已經笑到咁攰, Big Day 果日要狂同 D 賓客影相, 咪攰到嘔！！！！！
朋友們都話佢認真, 細心, 有心機, 個妝又靚, 底妝都薄同貼～ 我見佢咁熱愛佢o既工作, 段估佢都唔會容許個妝出咩意外卦........
經過一輪商議之後, 我地一致通過係 OK o既～ 我 Join 咗啦～～～ 
不過其實我都有小小擔心o嫁, 擔心佢大日子會遲到！！
希望 Big Day 唔好再有遲到 / 改時間o既情況發生啦！！ 

廢事嚇親大家, 所以相片已經進行咗私有化～ 想睇試妝相o既就留言 add 我啦～

(但係唔知點解, 由我 Join 咗開始, 我就成日响度擔心, 我有冇衝動咗, 我係咪應該試多幾個呢？但係 Eric 同陪同試妝o既幾位朋友都話其實個妝係 OK o既, 我睇返 D 相, 佢 Post o既化妝相, 我都覺得靚個喎～ 我真係唔知道我究竟响度擔心緊 D 咩！)

而令我最震驚o既係！！！冇陪我去試妝o既家姐同媽咪, 竟然覺得, 上次同我玩妝做 Model o既 MUA 化得我靚 D！！！(但係我覺得超厚粉喎, 同埋亦因為經過呢兩次玩妝o既經驗, 令我更加覺得今次正式試妝, 個妝薄同貼好多！！！) 媽咪佢哋話唔鐘意呢個 MUA D 曱甴腳喎.....覺得劃眼線靚 D 喎...... 大家覺得呢！？唉..... 好唔開心呀.......

聽日第一次試妝啦！

啱啱發生咗件事, 令我唔係好高興！

話說我聽日約好咗試妝～ 我 7 月尾 Send email 去約試妝, 响 8 月中已經 Send 咗次 Reminder 俾個 MUA, 佢冇問題, 仲話 OK, 用 email confirm 晒 D 時間同日子個喎！

我頭先手痕 Send reminder 俾個 MUA, 佢竟然話朝早有o野做, 所以要遲一個鐘呀, 驚趕唔切返鋪～

果吓我真係有小小唔多高興, 乜唔係約咗幾點就幾點o既呢咩！？同埋點解你唔早 D 同我講, 要我 remind 你, 你至話我知你要遲 D? 如果我冇再 remind 你, 你會唔會唔記得係約咗我？定係要我係鋪頭白等佢呢？

當時我同男友傾緊電話, 佢知道後勁唔高興 (佢不嬲都好有時間觀念), 跟住仲叫我覆返果個 MUA, 問佢有冇記錯客人, 我係約咗聽日幾點果位喎.....
跟住佢仲未覆我呀！！

佢仲要唔係唔出名個喎, 我係睇到好多人讚佢, 未見過人彈佢, 又話佢快手, 化妝又掂, 又有責任心！我睇過 D 化妝相又 OK 至會約佢試妝, 點知一開始就咁樣.........

我哋而家真係好慶呀！！！Send 咗 msg 俾佢佢又唔覆, 咁家陣即係算點？你算係通知我改時間啦喎！乜你唔係應該問吓我 可唔可以 / 方唔方便 改時間o既咩！？我真係覺得我呢位客人, 好不被尊重囉！
我男友對佢冇咩信心, 仲話如果 Big Day 果日係咁, 咁點算呀！？我係咪要約定另一個心水呢？

＜愛情關鍵時刻＞ 籌備婚禮 男人別想閃

啱啱响討論區周圍遊, 見到呢個 Post, 忍唔住借咗o黎俾大家睇吓～
＜愛情關鍵時刻＞ 籌備婚禮 男人別想閃

終於做了所有男人應該要做的事情，求婚！接下來鬆口氣，就等著當新郎、當老爺，反正婚禮的籌備不關男人的事情。要是男人這樣想，接下來的婚姻肯定會精采無比，三天一小吵，五天一大吵，別以為現在跟以前一樣花錢的是大爺，只要把錢拿出來，未來的老婆就會把婚禮搞定！[size=+1]別忘了，現在的女人大部分經濟獨立，錢不是重點，要的是未來老公的參與！要怎樣參與得讓未來的女王覺得有誠意呢？請參考以下重點！

＜重點1＞充分溝通 嚴禁發飆
看過天造佳偶因為婚禮的事情鬧得兩人不愉快，最後變成兩家人的戰爭嗎？ 別忘了，新娘子是自己費盡心力追來的，兩人是經過大風大浪確認彼此後才能夠走 到這一步，所以婚禮的籌備應該是快樂的、令人期待的。不管舉行的方式雙方的長輩有什麼意見，都不應該影響到彼此的感情。在事前，一定要做充分的溝通，承諾 在過程中必須要公開、公正，所有事情都要說清楚講明白，不管有什麼爭議，都要互相提醒不能生氣，也不能大聲小叫。兩人不選邊站，為的只有彼此，因為婚禮只 是個儀式，長輩要怎麼做就隨他們去，完了以後才是兩人人生的開始，任何人都無法幫忙，睡在自己隔壁的老公老婆才是自己真正的夥伴！

＜重點2＞做好行前功課 全程陪透透
別忘了，這不是一個人的婚禮，也不是別人該規劃的婚禮，而是你們兩人的 婚禮。想要當一個稱職的新郎，不是在那邊當壞掉的收音機只會說：「我都可 以！」或者只是個什麼都不加入的土地公。就算心不甘情不願，但這種一生可能只有一次的終身大事，新郎應該要盡責的全程陪新娘。拿出男人解決問題的本事，先 將所有的事情做一次功課，包括雙方家長對婚禮的期待、習俗為何、婚紗店如何挑選等等，當新娘問的時候可以給她一個驚喜的答案不是很好嗎？別忘了這是當一個 好老公的第一步！

＜重點3＞隨時聽令行事 沒事閃邊自我消遣
是的，是男人都可以理解此時此刻的心情，婚禮全權給女人來規劃不是代表 尊重嗎？為什麼非得我們男人去陪，等一下露出不耐煩的表情肯定又是被唸唸唸， 何苦來哉要虐待兩人呢？就說了，女人要的不是物質（自從女人開始賺得比男人多以後），要的是男人在他們生命中的份量（因為男人有份量的賺錢能力已經被取 代），因此男人最好乖覺一點，放聰明一點，出門洽談的時候乖乖的拿個背包，裡面裝滿自己喜歡的電動、音樂、零食或者書籍，洽談過程中若不需要自己出聲或出 面的時候，就像個聽話的小孩到牆角拿這些東西安慰自己，新娘談得爽快，自己玩得也滿足。但請注意，女王叫了就要立刻把手上的東西放下聽令行事！別忘了結婚 是當個好老公，不是當個只會哭鬧又長不大的男人！

＜重點4＞嘴巴甜一點 當個大器的準新郎
參與，絕對不是當個杵著發呆的土地公就好。誰願意自己的老公呆呆的站在 那邊不出聲，讓人覺得這老公怎麼一點關心都沒有。既然都已經到了現場，何不好 人做到底，好好的當一個稱職的準新郎。只要女王詢問，一定要細細思考，好好回答，千萬不要一句：「都可以！」來抵擋千軍萬馬！拿出紳士的風度，好好的陪自 己未來的一半看盡所有的東西，給出誠心的意見，嘴巴甜的一定會有無可限量的回報。當個肚子裡可以撐船的老爺，在金錢上跟對方家人不要斤斤計較，在自己的範 圍內或超出一點都可以，反正錢以後賺得回來，女王的家人未來也是自己的家人，而且美嬌娘可是只有這麼一個。別忘了之所以會成為老公是因為人家看中你的氣 度、風度、體貼跟能力，好好的發揮吧！

貪過癮之 -- 我要做 Model (私有化)

遊 Blog 河期間, 見到呢位 MUA 搵人做玩妝 Model, 未玩過o既我, 一於貪過癮去玩吓, keke

好老實, 我覺得佢個妝底都打得幾厚, 可能我未試過俾人化新娘妝啦～ 所以唔習慣o者～ 我終於明白點解朋友會叫我試多 D 妝, 因為未必一時間會接受到自己個粉樣～

不過當我玩完妝, 抺淡咗小小走人o既時候, 响條街度, 我真係冇乜自信, 完全係 dum 低個頭行路, 因為, 實在太太太太太濃啦！！！可能我真係唔慣咁濃啦！！！我去到我男友屋企, 佢同佢媽咪都覺得個妝唔襯我, 太濃啦～
不過都係玩吓o者～ OK o既, haha

(但係令我最震驚o既係！！！我家姐同媽咪竟然會覺得呢個 MUA 化得我靚 D！！好過 Sum Sum 喎！！佢哋話唔鐘意 D 曱甴腳喎....... 大家覺得呢！？唉..... 好唔開心呀.......)

褂 Look～

 

晚裝 Look

 

刻名字樣最終決定～

集合咗自己 + 朋友 + Blog 友o既意見及提議～

最終我哋決定o既組合係～～～
女裝：Eric♥29Mar13 = 12
男裝：Iris♥29Mar13 = 12

Sales 姐姐話刻完出o黎字同 ♥ 會有小小空隔位, 會變咗：Eric ♥ 29Mar13
hehe 仲好！仲清楚 D 添！呵呵呵呵～
同一時間佢亦都話, 其實我哋唔駛諗得咁辛苦, 因為 PN 有頭兩年內 Free 一次翻新服務, 到時我哋想再轉其他刻法都 OK o嫁～
(其實佢哋有呢個服務係唔錯..... 之但係.... 呢一刻o既我哋, 梗係唔想陏 D 就改變個字樣啦～ 咁樣做, 我哋變相好似對我哋o既婚戒好唔認真, 是但交功課咁......梗係要諗清楚至決定啦！kekeke )

最後我亦都決定唔改圈口啦！又攪掂一樣啦！

真係唔該晒有幫過手諗同埋提議o既朋友仔呀！！！！唔該晒！！！

刻字大難題！！！

由於女裝戒指係內卜設計, 同埋圈口細, 所以 PN 話只可以刻 12 粒字, 空隔, 點號全部都計算在內～ (男裝果隻可以刻到 15 粒字, 但係由於我哋想統一刻字字樣, 所以唯有都係揀刻返 12 粒字)

其實我心水係 Eric ♥ Iris 29.03.13 = 20 個位！！！咁即係冇行啦！而家响度 R 緊頭, 數緊字粒同埋諗緊點舖排～
以下係我同 Eric 諗咗o既樣版, 大家覺得邊個好 D 呢？

字系列

MyBeloved1 = 10

My BeLOVEd = 10

The One Iris (Eric) =12

My ONLY one = 11

MyBeloved Eric = 14

Beloved Iris (Eric) = 12


日期系列♥on 29.03.13 = 12

Our 29.03.13 = 12

E♥I 29.03.13 = 12  (Eric 麻麻哋鐘意呢個.....)♥29.03.2013♥ = 12

♥ 29.03.13 ♥ = 12

♥29 Mar 13♥ = 11

Eric♥Iris329 = 12

Beloved 290313 = 14 (好似一渣字咁....T_T)
Eric 似乎鐘意 My BeLOVEd 多 D, 而我就想刻日期係戒指上面, 唉...... 再諗諗先！大家有冇 D 咩 Good Idea 呢？

朋友提議
女裝：I♥Eric290313 = 12
男裝：I♥Iris290313 = 12

女裝：♥Eric 290313 = 12
男裝：♥Iris 290313 = 12

女裝：♥Eric♥290313 = 12男裝：♥Iris♥290313 = 12

Blog友提議

女裝：Eric 29Mar13 = 12
男裝：Iris 29Mar13 = 12

婚戒到手啦！

六月响 Expo 買o既婚戒已經到咗手啦！試上手, 睇落都唔錯～ 好靚呀！！ kekek
但係唔知咩願因, 可能左手(無名指)帶唔慣戒指, 硬係覺得怪怪地, 好似有 D "硬"手咁.........

不過..... 我諗緊好唔好改細半號, 因為硬係覺得鬆鬆哋咁, 而家其實唔係話好鬆, 不過就好似好易除出o黎, 我試過勁大力狂 fing 隻手, 係 fing 唔到隻戒指出o黎o既 (fing 勁耐除外), 咁其實算唔算啱手位呢?? (不過我覺得正常都唔會無啦啦狂 fing 隻手囉.... HAHAH)

但係我又諗緊, 而家係 Summer, 咁熱所以唔甩, 都叫做啱啱好但係我又擔心, 咁如果冬天會唔會鬆呢？媽咪同家姐都話啱, 唔駛改喎....媽咪仲話, 結咗婚會肥, 同埋如果真係諗住過兩年生 BB 的話, 就唔好改啦, 因為到時實會肥～

我而家每朝起身都會試下帶, 睇吓手指有冇水腫, 而 cool 實 D 隻戒指。但係唔知係咪開咗冷氣關係, 唔覺有腫.....沖完涼熱辣辣又試吓, 但係又唔覺得腫....... 我又廢事帶出街啦, 一陣花咗 / 跌咗實心痛死我呀！！！！！( 兼且會俾 Eric 鬧死～

)

我決定每晚會試戴一段時, 睇吓手感如何～

我成日形住會鬆會鬆 (其實就咁戴住係唔會甩出o黎o既), 硬係覺得改細半號會啱 D..... 但係又諗緊如果結完婚生 BB, 又真係會肥個喎！！點算........

我 13/8 前要決定改唔改同埋拎返俾佢刻名啦～ 改唔改細半號好呢！？

唉...好苦惱............

(題外話, 唔好話咩, 原來本身果隻手指冇戴開戒指, 都真係幾唔慣, HAHAHAHA)