胡志明市 → 天后宮 → 美拖市 → 湄公河三角洲 (乘觀光遊覽船) → 椰子島 "天道教教壇" → 泰山島熱帶果園 (任食水果, 水果特產: 如芒果、紅毛丹、人參果等) → 獨木舟之旅 → 食油泡象耳魚餐 → 堤岸唐人街 (途經) → 前總統府 (外圍拍照) → 聖母大教堂 → 郵政大樓 → 市政廳廣場 (外圍拍照) → 地道中餐 → 自由人時間 → 行酒店隔離o既安東市場 → 坐酒店車去鬼佬街夜市 ( D o野好貴！！海鮮又唔抵食！好後悔呀！
早知堅持返酒店附近果幾間食好過！呢 D 咪叫做 "做唔足功課惹的禍" 囉～) → 返酒店休息今日神咁早就起身食早餐～ 8:30am 集合, 呢個係我哋其中一個唔鐘意 / 唔習慣跟團o既原因之一！不過無可口非, 早起身, 的確係可以去多好多地方～
第一個景點係 -- 天后宮！(我都唔明...... 香港澳門大陸都有廟睇啦...... 點解跟團去到越南, 都仲要帶我哋去睇廟呢吓！？仲要叫我地捐錢...
跟住我地就轉戰湄公河三角洲, 天氣好好呀！！
第一站係椰子島 "天道教教壇", 呢個地方真係把鬼！！！咁都算係一個景點.......
不過呢度 D 椰子糖幾好味！值得一讚！一人買咗幾包返去做手信～
o黎到我都幾期待o既 "泰山島熱帶果園" (任食水果, 水果特產: 如芒果、紅毛丹、人參果等)
點知搵老襯o既！！！！佢所講o既生果, 通通都冇出現！！！
只係得呢 D 普通o野 ..........
結果我地..... 一路食一路玩............. 蕉～～ hahaha 放心！食完之後我地係有食返佢o嫁～
食完生果之後, 就行去獨木舟之旅啦！！！
好塞船呀！
導遊話, 右手邊果張果嚿o野係海底椰喎～
走人啦！導遊安排咗每人一個椰青～
好不幸地..... 我又飲到一個好難飲o既椰青, 相反, Eric 果個好好多, 結果佢飲咗一半之後同我交換, haha 佢試飲我果個都話好難飲～
今日食特式o野, 越南o既 "油泡象耳魚餐"
咁啱撞到有人結婚, 原來越南人結婚興食 Lunch o嫁～ 唔興食 Dinner～ 仲要係有打邊爐形式添！！！
(最右手邊果位亞姐炸緊煎堆)
呢個就係樓上果個亞姐炸o既煎堆啦, 都幾好味o嫁～
右手邊呢條就係 "象耳魚" 啦～ 估唔到炸到咁, D 肉都仲好滑, 但係 Eric 唔鐘意食佢, 因為佢俾 D 剌拮到個口..........
除咗佢又係炸炸炸同炸之外, 嚴格o黎講, 呢餐都唔錯........
食飽飽之後, 我地就坐返船走啦, 再坐返車返胡志明, 去到中途站, 導遊放咗我地係木傢俬場, 冇人買野, 只係係咁坐人地 D 貴o野, HAHAHA
前總統府 (外圍拍照)
其實我覺得呢 D 所謂景點真係......... 可有可無....... 真係只限外圍拍照o嫁咋, 唔俾你入去o嫁～
最慘係... Eric 唔覺意行咗出去影我好似俾度閘困住咗o既相, 諗住行返入黎調轉影o既時候, 突然俾保安喝止！！
跟住我地 Nice 地表示係一齊旅行團o黎o既, 但係對方用更惡o既語氣 + 手勢趕返 Eric 出去, 唔俾佢入返閘！！導遊見到, 即刻同其他團友講, 話大家影完就要走啦, 因為其實係同個保安 friend, 佢至俾入o黎影o嫁咋, 因為其實佢地收 4:00pm o嫁～ (當時係 4:08pm 駛唔駛咁趕收工呀)！！
結果我唯有係裡面影返出去........ Eric 唔俾入o黎o既表情, hahahah
市政廳廣場 (外圍拍照)
期待己久o既聖母大教堂 & 郵政大樓！！
經過同事提水, 我地已經冇浪費時間, 我地一入去就瘋狂極速咁買郵票同埋寄 Post Card, 揀得o黎, 俾錢, 寫好 post card, 計埋影相, 我地係用咗一個鐘......
結果..... 唔夠時間仔細咁影聖母大教堂, 唉～～～ 好可惜呀！！
我地帶住有小小失望o既心情去食晚餐～ 又係地道中餐！！！！
又係炸！炸！炸！又係蜆！(真係.... 冇 D 新意.... 但係令我驚喜係, 食到咁炸, 我返到香港只係肥咗半磅, 真係奇跡！！！)
Dinner 之後, 導遊車咗我地返酒店之後就自由人時間啦！！我地坐酒店車去夜市～
呢道大就大啦, 但係 D 野唔見得好平, 有 D 反而好似仲貴咗添......
無意中見到法包, 梗係要買個o黎試吓啦～ 熱辣辣又幾好味喎～ (Haha 好鐘意團友望住個飽o既表情, hahaha)
～ 待續 Day 3 ～
) → 錦麗牛河 → 亡命擠塞電單車夜市 → 返酒店休息
) 跟住我同 Eric 都係度諗, 唔知果兩位團友有冇响香港吵大鑊呢？？我哋成團人都好期待見到果兩位團友 XDD
激後悔......)
)
