其實我就鐘意 London Taxi o既, 但係 Eric 麻麻地, 同埋計過條數都真係唔平, 所以放棄咗............
由於朋友仔 Thomas 今年 10月結婚, 所以我地約埋佢一齊去睇 Package, 睇下有冇二人同行優惠, kekeke
28 Apr 2012我地一行四人一齊去金都睇租車 Package～ Eric 仲想即日決定埋添～ 點知........
其實我本身對金都 D o野都一般般, 因為好多人成日講到有好多黑店咁～
尤其係果間 "全害您" (全為您, 但一 D 都唔會為你), 銀禧都有朋友中過招, 所以都唔會揀～
但係由於朋友 Anthony 同 MT 都租過金都o既明麗新娘花車+24 座 Van 仔, 佢地都冇發生唔開心事件, 所以初初我地都有諗過揀呢間～ 但係都照睇埋其他先～
精藝 (金都商場 3 樓 311 號舖, Tel 2391 5762)
湯生同我地傾果陣, 態度非常之好, 又冇話唔耐煩咁～ (我地實在問咗好多架車o既價錢.....
)睇落價錢又合理, 都差 D 想 Confirm, 但係由於 Thomas 未揀掂想要咩車, 我地又想睇多幾間至再作決定～ 所以離開咗間舖～
都多車款揀, 多色, Benz 主打都係銀, 香檳金同埋銀藍色
明麗新娘 (金都商場 3 樓 312 號舖, Tel 2396 2132 / 6018 0722)
朋友 Anthony 同 MT 都租過o既, 冇唔開心事件發生～
但係唔知個老世發生咩事, 傾談過程冇誠意, 問野又十問九唔應, 只係得個女職員應我地, 但係又好似唔多熟咁, 就算應都唔係深入咁應, 問佢有冇相簿睇車, 女職員問老世有冇相睇, 而老世好趣緻咁指一指, 話 D 相係晒呢塊版度～ 結果女職員帶我地行返出間鋪度睇佢果塊咁o既版囉！真係唔該晒你喎, 亞老世！！！
車款 OK 啦, 但係 Eric 鐘意o既鳳眼 S-Class 500 / 500L 只係得銀藍色, 所以真係要認真再考慮～ (因為媽咪應該會唔鐘意)
加上佢咁o既態度, 真係扣咗好多分囉！我同 Eric 都有個疑問, 點解當初我地果兩個 friend 會揀呢間o既呢！？咁冇誠意, 點 Join 呀？我地四個都覺得, [老世, 你真係唔係撈個喎～～] Bye Bye
Sun Beauty (金都商場 3 樓 325 號舖, Tel 2396 9222 / 9811 8983)
純粹多口問埋, 完全唔熟, 睇下價錢o者～ 都多款, 多色, 但係唔知點解, 我冇咩好感～
******************************************************************************************************
睇完以上三間, 我地都有小小屬意 "精藝", 由於 Thomas 未揀定車款, 同 Package 時間, 所以我地就埃咗係電梯隔離密密斟啦～ 响佢地三個密密斟o既期間, 我梗係o拿o拿聲上網睇o下 "精藝" 係唔係黑店啦！好彩睇o下o者！如果唔係真係中晒招呀！原來係俾人鬧爆o既！！！差 D 誤中黑店呀！！！
我即刻再睇埋另外果兩間, Sun Beauty 未至於算黑店, 但係都俾人鬧過～
而明麗, 竟然搵唔到任何用家資料！！驚驚～ (咁我果兩個 friends 算好彩定係咩呢？)
我即刻向各人匯報形勢, 大家都覺得實在唔適宜 Join 住, 仲以為有 friend join 過, 可以好快攪掂添！
(不過總好過誤中黑店o既....)又要再努力搵資料啦！！
(後期係 Yahoo blog 見到有用家用過 "精藝", 冇咩大危機, 但係我都係驚, 博唔過～)
沒有留言:
張貼留言