攰爆！阿里山 + 清境羊咩開心之旅！27/4/09 (Day 7)

今日係我哋留响台灣o既最後一日！！！嗚嗚嗚........... 一陣就要走啦..........亦即係話, 我哋o既假期即將完結啦！！！

收執好行裝就 Check Out + 寄存行李啦～
我哋由於太趕時間, 所以琴晚同今日都冇影到房裡面o既相俾大家睇, I am Sorry～ 唯有俾住小小 Lobby o既相你哋睇啦～

 

 


我哋o既 Lunch 梗係唔小得 -- 鼎泰豐啦！！
(下圖係 Eric 極力推介o既芝麻大包, 好好味o嫁～ 香港果間整得細隻好多..... 同埋冇咁好食～)

 

  


食飽飽之後, 就去 "冰館" 食冰冰啦～ 我次次去台灣都同佢緣慳一面～ 今次終於都試到啦！！
不過....... 原來都係見面, 不如聞名....... 算把啦...... 都係 "辛發亭" 好味 D..............
之後我哋就去買定由台北去機場o既 -- "飛狗" 大巴車票啦～ 廢事一陣賣晒果個時段咪大件事！

    

返返去 "西門町" 掃街 + 買緊 "黑橋牌" 腸仔o既時候, Kenneth 同 Aria 唔知攪咩係咁企响對面馬路影相, 問佢有冇咩野要加又唔應, 只係話一陣過o黎。

原來～ 係當時未過o黎香港進行 "愛的抱抱" o既 "童顏巨乳 -- 搖搖", 同經理人定唔知係節目主持人, 接受緊記者訪問～

果個主持人好勁呀～ 一句就話：[咦～ 香港人耶～ 香港人也認識你耶～]
Kenneth 同 Aria 都被攝入鏡, Say 咗個 Hi, hahahaha Kenneth 仲問佢係咩節目, 睇吓有冇得睇返自己個樣～

亦可能因為咁, 所以經理人同搖搖就決定進軍香港, hahaha

之後我哋就分頭去買手信, 約定時間响酒店等, 我哋要走啦～～～ 好唔捨得呀！！！

回港之後, 梗係要點算戰利品啦～
左邊果 D 係我同 Eric o既, 右邊果 D 就係 Aria 同 Kenneth 部份o既手信, 顛咗呀！！！！好多豬肉紙呀！！！
(其實我同 Eric 夾埋都買咗成箱, kekekek)

呢兩箱豬肉紙可謂用心良苦呀～ 我特登臨飛前一晚 Fax 張清單俾 "江記華隆商行" 指定宅配 (送貨) 日期、時間、地點, 我哋先至唔駛特登走去佢鋪頭買咋～
佢哋仲可以貨到先至俾錢添！

 


咁就過咗一個星期啦！！我哋o既行程亦隨之完結, 多謝各位收睇～～～

攰爆！阿里山 + 清境羊咩開心之旅！26/4/09 (Day 6)

其實我同 Eric 都去過好幾次台北o嫁啦～ 所以我哋對台北一 D 都唔陌生～ 真係估唔到我哋認為好暖o既台北, 因為一度冷鋒而凍成咁！
連日o黎o既好天氣, 唔見咗啦, 差o既天氣, 就响尾呢幾日爆發～

連日都係微絲細雨, 寒風剌骨！！好在我哋之前要上山, 所以帶多咗衫同外套o者！我將所有能夠保暖o既衣物都著晒上身, 仲嚴重過响阿里山 + 清境果陣o既衣著！

至於果兩隻o野, kekekeke 唔夠衫, 凍到爆咗！！(佢哋仲要去 "台北動物園", 去俾企鵝睇佢哋有幾凍 )

今朝本來 Plan 咗去我哋未去過o既 "三芝鄉" o既風車公園, 同埋坐响海邊 High Tea, 但係由於太凍, 實在頂唔順！！(連 Eric 都話凍就真係唔好唔信, 見到佢連條外套拉鏈都要拉到上頸, 可想而之真係好凍......)

已經作作哋病o既佢哋, 決定放棄 "三芝鄉" 行程～
我哋直接轉戰去淡水～

一早準備好就吹生晒, 話要出門口o既兩位, 點知..... 上到捷運就訓到隻豬咁.....

到咗淡水啦！影返張相先～ 影完之後, 我哋就進行瘋狂掃街大行動！
由於實在太多食物, 不能盡錄, 而家放o既相並唔係所有食物相都放晒出o黎o嫁～

烤魷魚 (Eric 企咁高做咩呀？做督工呀？)

 

 

未食之前笑晒～ 滿懷期望～ 諗住好好食～
唉..... 點知俾人呃咗......... 串薯片都冇想像中咁好味o既...........

 

之後我哋就坐船過咗去漁人碼頭 + 情人橋～

 

超低能咁响度玩擁抱相～ 

 


我有理由相信, 我呢個距離, Eric 根本唔會接到我, 我係會 "仆崩鼻" o既～ 

玩完一大輪, 正正經經影吓相先～

 

跟住就去食豪大大雞扒啦！！

食完豪大大, 我哋就轉戰 "士林夜市" 再掃街啦！！

Eric 精心推介！
羊肉炒麵～ 又真係幾好味喎！只溶响口, 唔溶响手～ (睇到張相都覺得肚餓呀！！)

仲食咗好多o野, 辛發亭o既雪片暫時o黎講, 係我食過咁多間最好食o既～

食飽飽之後就返酒店做豬 lu～～ 聽日就要返香港啦！！！！！

待續 ～ Day 7 ～

攰爆！阿里山 + 清境羊咩開心之旅！24/4/09 (Day 4)

終於都o黎到呢個行程o既第二重點 -- 青青草原啦！！！
我哋o既目標, 係羊！！！好多羊咩咩呀！！！^o^

初初又係擔心落大雨會見唔到羊咩！
聽民宿 D 人講, 响我哋上山o既前一兩日仲落緊大雨！

但係！我哋o黎呢三日兩夜勁曬、勁好天！！一滴雨都冇再落過！Happy！！
今日我哋謀殺咗好多 Memory！晨早起身食完個早餐, 我哋就急不及待咁响民宿門口恭候上青青草原o既車啦～
好！唔好講咁多, 即刻去片！！！

話咁快就到咗 "青青草原" 啦！！

 

 

未夠時間睇 Show, 我哋就去咗綿羊城堡餵羊～

我手上面o既就係餵羊o既食物啦～ 左手係餵大羊, 右手o既奶係餵羊 BB o既～

 

好多羊 BB 呀！！我哋都未準備好, 隻羊 B 已經衝埋o黎飲

 

Eric 餵果隻羊個樣好鬼馬, Cutey～ 勁似 Eric 呀！我餵緊果隻梗係女仔o黎o既, 咁斯文怕羞o既～ haha

夠鐘睇 Show 啦！但係...... 由於負責 "綿羊 Show" o既外籍人士返咗去澳洲探屋企人, 所以........ 今次我哋睇唔到剃羊毛 Show 啦！！！！好可惜呀！

今日o既 Show 係表演 "趕羊 Show" ～超多羊呀！

 

睇完表演之後, 我哋又繼續去玩羊啦！
我好輕易已經埋到羊身, 攬到羊影相～

 

相反 Eric 就...... "亞 Buk 叫狗, 越叫越走！！"
Eric：[羊咩～ 同我影張相吖～ ] 、Eric：[羊咩～ 唔好走啦～ ]
 

唔知係咪 "楊羊相沖" D 羊咩唔單止唔理 Eric, 一見到 Eric行埋去仲雞飛狗走添！(唔通 Eric 攬羊o既殺氣太大？)
結果 D 羊走呀走, 走晒上去呢個斜坡, 呢個位太斜, 我哋係冇可能行到上去o既～
攪到 Eric 超級唔開心......扁晒咀...... 因為佢真係好鬼想攬住 D 羊咩影相～

我見 Eric 咁唔開心, 所以諗咗條計仔, keekkeke
我出手引 D 羊埋o黎先！！！引多 D, 引多 D, 一於o黎一個 "有攬錯！冇放過！"
Yeah！！！終於都成功啦！！！！！你睇 Eric 笑得幾開心！！

玩咗好多個鐘之後, 我哋就慢慢行 "步步高陞步道" 行返落去搵o野食 + 返民宿啦, 其實距離都唔近o嫁, 行到有小小腳震震, 可能我哋真係小運動啦～ hahah

我哋後尾見到有間 "Patite 洋食館" 見到 D 餐都幾吸引, 就坐低咗食 Lunch 啦！
個餐都幾好味！我叫果杯薰依草奶茶.... 都 OK～ 只係有小小覺得薰依草味唔夠香～

食完個 Lunch 就起行行返民宿 High Tea 啦～ D 杏仁片超好味！！！

 

High 完 Tea, 我哋去摘玫瑰, 諗住要o黎浸浴, 但係 Eric 話唔好, 因為其實玫瑰裡面係會有 D 蟲蟲, 用o黎浸浴會好烏粗～ 結果玫瑰摘咗返房當裝飾用～
之後就埋 Counter 租返幾隻碟返房聽同埋睇, 睇完 "BJ 單身記" 就係時候落餐廳食晚餐同埋還碟啦～

食飽飽之後, 我哋再借咗隻 "衰鬼上帝 2", 笑到爆咀, 真係好好笑, hahahaha
聽朝就要走啦！！！好唔捨得呀！！！


待續 ～ Day 5 ～