第二日o既行程,終於唔係全賭場啦!
食完個早餐,我哋去咗官也街食o野,包括有燕窩蛋撻、大利來支排包 ( 比起我 2006 食果隻細咗勁勁勁多!)、榴槤雪糕、蟹粥 (都唔係水蟹o黎o既! >_< )、炸鯪魚球、炸墨魚丸 ( 好味 )同埋大菜糕,我仲飲咗杯一 D 都唔甜、唔香o既麥記熱朱古力咖啡!!!早知飲 Starbucks 好過!
我真係不得不讚吓我 D 朋友仔,個個胃都係強水胃o黎o既!我食到炸墨魚丸o既時候,都已經飽到上喉嚨 ( 我冇食榴槤雪糕 )。
佢哋仲可以食得落大菜糕 …………… ( 我都冇食呢様 )
跟住我哋去咗葡萄牙人住宅參觀,點知!竟然要收入場費喎!( 我 2006 年去過,果陣都唔駛收費o既,唔通係日子問題??)
不過入場費都只不過係五蚊o者~~ 但係最終我哋都冇入到去參觀,只係响附近影吓相就算啦。
飽到嘔之後,我哋去咗威尼斯人行吓,結果 ……. 又係賭場 ……..
到到夜晚,我哋去大三巴係咁二影咗幾張相交貨,跟住就去咗 " 沙利文 " 食葡菜,飽飽之後就返香港 Lu ~~~ ^o^
今次都玩得幾開心!( 不過如果冇輸到錢,我會更加開心,hahahahaha )