Dec 2012 進度表 -- 倒數 3 個月！！

仲有三個月咋！！！！

今個月已經成功過完大禮！！我已經正式被落訂啦！！

帖方面亦對晒稿, 開始印緊啦！！不過由於我地改o黎改去, 本來一月頭已經可以收貨, 結果而家就要 23 Jan 2013 至有得拎啦！！！

炸彈最快都要一月尾至可以派發啦！  好彩媽咪話正月都可以派帖o者, 如果唔係真係呢咁 hea！

印印印印印印印印囍帖啦～～～ ^o^

今日去咗金都印帖啦～ 行咗幾間, 最後揀咗 Carman 都印過果間 -- "(利太) 樂怡印刷燙金 Lok Yee Drinting"

暫定印 250 張先 (Total HKD450.00 @1.8 一張, 如果 300 張就 HKD480.00 @ 1.6 一張)～ 08 Dec 2012 就有得對稿, 最快 28 Dec 2012 就可以起貨啦！！So far 相處落都幾 nice, carman 印完帖都 OK, 唔係黑店～
由於我地太柯 gor, 改o黎改去, 攪到 23 Dec 2012 至 Confirm 落實帖版, 同埋由 250 張改為印 300 張～ 印多小小總好過到時唔夠要加印吖～
利太話 23 Jan 2012 拎得啦, kekekekek 又攪掂一樣啦！！
-------------------------------------------------------------------------------------------------------------------------------------------

Nov 2012 進度表 -- 倒數 4 個月！！

仲有四個月就係我地o既大日子啦！其實心情都尚可, 唔算太緊張, 仲係 hea hea 地咁～

今個月最大打擊莫過於 19 Nov 2012 (Tue) 姐妹裙公司話俾我知因為業主唔續租俾佢, 佢要搬, 又未物色到新地方, 我婚期近怕會影響到我 D 姐妹裙, 所以特登打俾我問我繼續 (但係所有裙要 1月底前拎走晒) 定係退款！！ 收到亞寶呢個電話我真係晴天霹靂～～～～ 同時亦覺得佢都真係非常之有良心～ 俾著其他公司, 真係極度有可能走佬話之你～ 又或者聲都唔聲就改地點拎貨要你就佢～ 最後同 Eric 商量完 (21 Nov 2012), 都係決定繼續用呢間公司, 至多 1月拎走晒 D 裙, 3月份再睇下姐妹們需唔需要做多次 Fitting～ 其實 hea hea 地o既我本來都打算12月頭同班姐妹上去度身造裙, 點知, 突然俾呢單野嚇一嚇, 攪到即刻約晒班姐妹 24 Nov 2012 (Sat) 提前上去度身, 為求佢一月可以俾到裙我, 唔駛擔心 D 姐妹冇裙著！！最難得亦令我好驚喜o既係！我响咁急o既情況之下, 仲要係約 Sat, 竟然可以約齊人上去度身！！(雖則 Sandy 因為要陪媽咪睇醫生所以轉咗第二日度身！) 亦好感謝亞 Wing 病住都俾面出黎度身！！！我愛你地呀！！)

Oct 2012 進度表 -- 倒數 5 個月！！

仲有五個月就係我地o既大日子啦！心情開始有小小緊張～ 因為大件野唔難攪, 只怕係 D 濕濕碎碎o既細微野, 呢 D 真係要到時做到至會記得要做！！

今個月仍然係懶到爆, 冇做到 D 咩呀！最大o既落實, 就係 -- 我地正式租咗屋啦！！！！！
不過我地只係拜咗四角, 同埋响月尾至開始進行清潔咋～ 其他傢俬...... 乜都未攪 

另外：

Sept 2012 進度表 -- 倒數 6 個月！！

時間過得真係好～～快！仲有半年就係我地o既大日子啦！

今個月放咗日假, 同 Eric 上褔田 hea 咗三日, 期間仲去埋筍崗掃貨 

另外：

過大禮傳統版 及 簡化版

男家過禮禮品:

傳統版

禮金盒: 內有禮金、飾金、喜果、青萋、檳榔兩對、扁柏、紅頭繩。

禮餅: 一擔(一百斤)，可隨女家意加減。

龍鳳餅: 兩對。

龍鳳燭: 兩對。

對聯: 男女各一對。

椰子: 兩對。

保養婚紗小貼士

保養婚紗小貼士以供參考

 

一般婚紗不宜乾洗

由於婚紗一般有紗、緞面、蕾絲、雪紡或真絲等一些較“嬌氣”面料，而且還可能有手工花、刺繡、手工串珠等點綴裝飾。乾洗婚紗可能會導致變形或者掉珠，許多細節部位的蕾絲和緞面裝飾可能會在清洗過程中褪色，或造成染色，甚至損壞，所以專業清洗婚紗一般是濕洗。

 

其實，穿著過的婚紗一般不會太髒，自己動動手都可以清洗婚紗

 

清洗婚紗前請先注意以下幾點： 

尚營坊減磅計劃優惠

我參加o既尚營坊有優惠～ 

收到尚營坊的 SMS 通知，由而家至 9月15日，只要有會員介紹參加佢地o既減磅計劃，可以以 HKD30.00 進行體質分析同有 75 折參加減磅計劃。

平時就算會員介紹朋友進行體質分析，都要 HKD50.00～ 而且冇會員推薦減磅計劃係冇折扣o嫁！難得便宜o既機會呢！

尚營坊健康顧問有限公司

地址 : 銅鑼灣謝斐道 482 號信諾環球保險中心 12 樓 1201 - 2 室

電話 : 28910920 ／ 28910930

** 優惠期到9月15日，有興趣參加的朋友可私人留言我。至於想自己 Book o既朋友, 記住話係 Iris Wong (@CWB 分店, 跟營養師 Nicole Wong) 介紹呀！如果唔係冇 Discount o嫁！ 最好就係俾個名我幫妳地 Book 啦 ~ ^.^ ~  **

上 Show Sweets workshop 進行磋商

(我實在太懶啦！拍完片都仲未捨得寫返再一次 "Facebook 萬人 LIKE" o既 Post！一於的起心肝寫寫佢先！)  

宣佈得奬o既第二日 (11 Aug 12), Show Sweets 已經好快咁係 facebook 聯絡咗我, 仲約咗 13 Aug 12 上去傾 Free Engagement photo + video shooting o既細節～ 

一切準備就緒, 點知 Eric 突然打俾我, 半死o既聲線話佢個胃唔舒服, 所以過唔到o黎啦～ 咁冇計啦～ 我唯有單拖過去啦。其實都有諗過改日子再傾o既, 但係後尾打去問咗對方, 佢話唔駛即刻決定去邊度影 / 影 D 咩, 只係傾下有 D 咩需要留意就得o嫁啦～ 咁 OK 啦～ 咪照去囉～ (點知俾人冼咗！！！！)

Aug 2012 進度表 -- 倒數 7 個月！！

今個月最大o既盛事就係玩 Facebook "萬人 LIKE", 贏咗啦！！得到o既奬品係由 Show Sweets Photography 送出o既 "Free Engagement Photo + Save The Date Video Shooting"！勁開心呀！！！    (已經拍完片, 等製成品, kekeke)

另外：

1) 去咗 In Wedding First Hold 啦～ 睇o黎都係要著 4-5" o既高踭鞋..... 唉～～～ 冇計啦, 鬼叫自己咁嬌小咩！
2) Eric 亦去咗錦發租馬褂！！！超型仔呀！！
3) 係 8 月婚展 Join 咗毅力做婚前檢查啦～ 仲 Join 埋打針 Plan 添～ 

多謝晒大家！！今次我地o既努力有回報啦！！！！！！>O< 感謝大家！！

多謝晒大家！！唔該晒咁多位幫手 LIKE / SHARE 過我地張相o既朋友, 唔該晒你地！多謝晒！！今次我地o既努力有回報啦！！！！！！>O< 感謝大家！！ 

現Show Sweets 提供Engagement photo + video shooting 免費名額 2 個!

July 2012 promotion 得獎結果公佈：

最高人氣獎得主： 02 Iris Wong （最高得“like"票者）
最上鏡新人獎得主：01 Kathy Mh Chan （由Show Sweets 選出）

**十萬火急！！剩返最後今日咋！！作最後衝刺！(10 Aug@ 11:59pm Cut Off)**

**十萬火急！！剩返最後今日咋！！作最後衝刺！( 10 Aug@ 11:59pm Cut Off)**


非常唔好意思, 我想大家幫我一個忙~ kekeke 


我參加咗 Show Sweets 最甜蜜之選舉～

In Wedding -- First Hold

自從上次知道 D 衫冇得改長短, 受咗剌激, 心情平服咗之後, 我地決定俾多次機會大家～ 去 In Wedding 睇多次 D 衫我著唔著到, OK 就順便做埋 First Hold！最後試著完都係 Hold 咗 (我剩係要一件婚紗, 其他俾晒媽咪、99 同老公)～ 結果都係要無啦啦買對 5 吋o既高踭鞋去就件婚紗！！

大家覺得邊件靚 D 呢？睇下大家估唔估得中我揀咗邊件先 XDDD (我會有兩件婚紗, In Wedding & Ballroom 各揀一件做證婚 同 March In～)其實本來唔只咁少相o嫁, 但係對方要 Eric Delete 咁 D, 所以有 D 明明著咗都 OK o既婚紗冇咗相 lu～ 想睇返都唔得添！！ 

婚紗 Package 奬品分享~

今日決定同大家分享上次參加人生中最激o既一次 "萬人 LIKE" o既奬品～ 以下係禮物 Package o既條款：

恭 喜妳奪得 Exxx Bridal 送出正價Package一份價值$10000 (3 Days 2 Nights)1 Wedding Gown3  Evening Gown

1  潮褂

1  男仕馬褂

2  主婚人禮服

*套餐包括:頭紗,可選大拖尾款式

*此套餐已不包括送貨收貨服務

July 2012 進度表 -- 倒數 8 個月！！

數一數, 原來仲有 8 個月就結婚啦！
今個月去咗 Ballroom 度定咗第一次款~ 條超級魚尾俾人揀咗, 冇期啦！！！最晴天霹靂係！！！！！去 In Wedding 睇下有咩婚紗啱啦, 竟然發現, 原來佢地係冇得幫人改長短o嫁！！！！ＳＯ ＳＨＸＴ！！！！
不過老闆娘都好均真, 佢話如果我真係揀唔啱, 佢可以退返訂金俾我～ 

囍帖稱呼

1. 有關 "闔府統請" 的位置
如果你想出帖"闔府統請",  "闔府統請"就o係名字o既左邊 (望住個帖封o既左邊), 而名字應在請帖的正中位置
*緊記緊記要高過個名開始喎!!!
即係例如個賓客名係陳大文, 個"闔"字 o既高度要高過"陳"字, 個"陳"字大約同"府"字平排就可以了

 

姐妹裙完成 -- LIKE 姊妹裙及氣球佈置

今日同埋成班靚太同準夫婿, 去睇姐妹裙～ 我真係衷心感激 Blogger 曉琳, 話俾我知有呢間好o野！

自從得知呢間公司之後, 我未等到佢裝修完, 就已經急不及待咁同其他準靚太及準人夫介紹呢間姐妹裙公司！
過咗一排, 得知 "LIKE" 裝修完, 我就o拿o拿聲 Book 時間上去睇裙啦！

16 June 2012 - MC 開倉記

今日本來係為咗靚太 Carman 而去睇開倉, 但係點知 Carman 發燒o黎唔到, 所以就得我同靚太 Rainie 去睇啦～ 由於佢要返工, 所以我過咗去睇住先～

我 1:00pm 去到, 當時好大雨, 唔算好多人, 但係都已經見到有好幾個人買走婚紗～ 多數拎走o既都係 D 閃令令o既 A-Line 款～

我 dou 咗個圈, 發覺好多都係大大條, 好 sa 果 D, 紗料o既婚紗真係唔太掂, 灰灰的.... 反而緞布就有 D 白淨o既！但係我一心搵條 A-Line 影 Pre-wedding, 加上 Eric 不嬲都唔鐘意 D 勁 sa o野, 所以都完全冇諗過 D 勁 sa o既款！

好, 一於去片俾大家睇下我 D 戰利品先！！

May 2012 進度表 -- 倒數 10 個月

我終於捨得寫進度啦！其實而家至寫, 真係遲咗小小  事關 D 大型項目已經完成啦！

花車終極 Confirm！！！！

响約咗郭生睇車o既當日, 我係公司作最後衝刺, 再 Search 佢仲有冇 D 咩 Bad comments, 除咗其中一位司機分左右有小小問題之外, 大致上係冇咩問題出現o既～

搵搵吓, 俾我搵到東哥～
我心思思再去問問價啦, 佢價錢同細節同 "長長久久" 差唔多～
 

東哥花車 (Tung's Wedding Car Services - 2006)
http://www.yl.hk/8111/
http://blog.yahoo.com/_A3VN3HSJG5DYPYPB6JH53UPNR4/articles/page/1

花車大比拼

話說上次去金都睇車, 全軍覆沒, 仲諗住好快攪掂, 真係超級 Down.......  但係我狂 Search, 都係只係識搵返金都果三間仲有冇 D 好o既評語！！慘在只係得一個姐妹用過 "精藝" 又冇發生咩特別事, 其他幾單都鬧爆～ 咁點掂呀！！梗係唔博啦！最慘係, 我真係唔熟車, 身邊亦冇朋友租車, 就算朋友結婚, 佢地大多數都係租 London Taxi！！！ (冇我份！) 所以都真係毫無頭緒！見到其他車行廣告, 我又唔熟, 又唔知多唔多人用, 勁冇心機.......

Eric 話佢會再睇睇, 佢想 18 May 前落實, 但係由於佢好忙, 所以呢半個月都冇乜點睇過車 D o野～

開始睇花車啦

呢排 Eric 突然抽起條筋, 話係時候 Book 花車同 24 座啦！
其實我就鐘意 London Taxi o既, 但係 Eric 麻麻地, 同埋計過條數都真係唔平, 所以放棄咗............

由於朋友仔 Thomas 今年 10月結婚, 所以我地約埋佢一齊去睇 Package, 睇下有冇二人同行優惠, kekeke

新娘婚紗晚裝終極 Confirm！！！！

响千挑萬選之下..... 我o既婚紗晚裝終於都揀定咗啦！真係冇諗過咁突然呀！！燈燈燈凳！！！幸運兒就係.................

BallRoom Wedding！！！！ 
 
https://www.facebook.com/pages/BALLROOM/118754003145
http://blog.yahoo.com/_V4POW2LIDL6XMB4EJVSVI54GRM/articles/page/1 


其實呢 Post 應該一早寫o嫁啦～ 但係由於要我果陣懶, 同埋要寫咗 Pre-wedding 先～ 所以呢篇遲遲都未寫 

心郁郁～ 周圍郁～

事隔 MC 揀相已經有兩個禮拜～

但係有兩張o向威尼斯人影o既相, 就令我心掛掛o左兩個禮拜～
一張係個景大大, 人物細細o既雙人鍚鍚, 一張係我o既單人照～

其實我都十五十六加唔加好o既, 但係..... 又有小小掛住佢地喎！！
最終我忍唔住, 決定打去 MC 搵 Anson, 點知佢放假, 轉o左由 Debbie 負責～
我即刻向 Debbie 表明來意, 好彩～ D soft copy 仲係度, 但係 D 入相簿o既資料就已經 Send 走晒, 就算加相都入唔到相簿o嫁啦～～～～ 只可以加到 Soft copy！

Modern Classic 揀相記 (私)

終於都揀完相啦！！揀相過程愉快～ D 相 OK la, 你話好靚叮叮聲又唔係, 唔靚又絕對唔係, 我同 Eric 都覺得係平穩, 正正常常之作！我地俾 85 分啦～我地約咗 12:00pm, 準時到步, Anson 招呼我地坐低, D 相已經 Stand by 咗, total 只係得 211 張俾我地揀咋！！！我第一個反應係諗, 點解得咁少o既？？我好多朋友都有成三百幾張揀個喎～ (唔同公司)  明明我地影咗好多格！

Modern Classic 揀相記

終於都揀完相啦！！揀相過程愉快～ D 相 OK la, 你話好靚叮叮聲又唔係, 唔靚又絕對唔係, 我同 Eric 都覺得係平穩, 正正常常之作！我地俾 85 分啦～
我地約咗 12:00pm, 準時到步, Anson 招呼我地坐低, D 相已經 Stand by 咗, total 只係得 211 張俾我地揀咋！！！我第一個反應係諗, 點解得咁少o既？？我好多朋友都有成三百幾張揀個喎～ (唔同公司)  明明我地影咗好多格！

澳門 Pre-Wedding Day 3

30 Mar 2012

一影完相, 我地兩個即刻黎個大解放～ 
去法蘭度擦餐勁o既！！ 

  

澳門 Pre-Wedding Day 2

29 Mar 2012

 

今日影相啦！！！要食飽 D, 因為起碼 3 點至有飯食！！超開心, 28/3 仲係好多煙霞, 但係今日就好好太陽, 天朗氣清～ 正呀！！

好彩飲咗杯齋啡o者～ 全日都唔眼訓～



琴日 MC 約咗我地 12:00pm 去化妝, 我o地因為怕遲出發, 所要佢地提議 11:30am 化妝, 我地準時到達, 但係點知都係要等到 12:00pm 至開始化..... 搵笨o既！！

澳門 Pre-Wedding Day 1

28 Mar 2012

我地影完返o黎啦~~ ^o^  o拿o拿聲整返個大事回顧 Day 1 先！

出發啦！！好多人呀！！！ 估唔到平日o既港澳碼頭係咁多人o嫁！係多人到乞人憎.............. 呢度只係 "一小部份" 咋！未入o黎候船區, 出面仲多人呀！！好似襯墟 + 走難咁！！！！好恐怖！

只可惜我o地掛住等上船同埋執返好 D o野落 Eric 個喼度, 攪到冇影低我o地 D 走難式婚紗相行李, 可惜呀！！！！ 

我同 Eric 第一對情侶 Pre-wedding 鞋 ^o^

Hi Hi Hi Hi Hi 鞋～ Hi Hi Hi Hi Hi 鞋～ 鞋鞋鞋鞋鞋 High High～～

Ladies and  Gentleman 登登登凳～～～～ 我同 Eric 第一對情侶鞋誕生～～～

Pre-Wedding -- 道具物資篇

我好開心同好榮幸, 識到一班 Discuss 2013 新人, 大家都好好傾, 又會互相幫忙～ 真係開心～

佢地仲好好人咁借物資俾我影相添！！

特別鳴謝：Num、丁丁、Ka Man、Moon (排名不分先後) o既大力幫忙！！


人地去迪士尼做足準備, o黎緊 29/3 號就影相啦！為o左 D 相得意 D, 同埋有氣氛 D, 我都要做足準備～ 我準備咗小小道具～

Pre-Wedding 天氣預測 -- 多雲有薄霧!!!!

多雲有薄霧！多雲有薄霧！多雲有薄霧！多雲有薄霧！多雲有薄霧！多雲有薄霧！多雲有薄霧！多雲有薄霧！多雲有薄霧！多雲有薄霧！多雲有薄霧！多雲有薄霧！多雲有薄霧！多雲有薄霧！多雲有薄霧！多雲有薄霧！多雲有薄霧！多雲有薄霧！多雲有薄霧！多雲有薄霧！多雲有薄霧！多雲有薄霧！
T_T

影相天氣～ 緊張緊張～

因為 29/3/2012 (Thu) 要去澳門影相啦～ 個人開始緊張.......
唔係緊張 D 相影得好唔好 (應該係話未開始緊張呢樣o野), 而係擔心天氣問題～ 天氣唔好, 個景幾靚都冇用啦...... 

早兩日天氣真係好好, 好開心～ 但係媽咪話, 近清明, 多數會天陰同落毛毛雨個喎.......唉..... 即刻唔開心........ T_T 

http://hk.weather.yahoo.com/

  希望 28/3 - 30/3 都好似上個星期六日咁好天氣啦！！