我發現好多明明影咗o既 post 都冇咗..... 我問點解啦～ Anson 話果 D 可能係眨咗眼, 所以攝影師 Cut 咗至俾我地睇喎～～～～ 有 D 我好鐘意家嘛......
唉.... 都冇計啦... 但係.... 有冇咁多眨咗眼呀！？！！？我有理由懷疑我地 D 回頭望, 拗晒腰, 拎晒面果 D 唔掂, 因為明明有影到, 但係睇相就得返 D 正面 / 對望 / 唔望鏡頭o既相～ 
我地由頭到尾掃咗一次相之後, 就開始 Cut 相啦～
第一 Round 我地揀咗 D 唔要o既相先～ 結果 Cut 剩 153 張！！！(剩咁多！唔掂！！)
由於我地個 Package 只係包 80 張 Soft Copy, 70 張入相簿～
所以我地要再努力 D Cut cut cut cut～～～
我地統計每個景有幾多張～ 再平均咁 Cut 落去！揀得最多o既係主教山同西灣湖, 跟住係箂斯同威尼斯人 (夜景....我個夜景呀～)
第二 Round, 我地好努力咁 Cut 剩 110 張～ 再 Cut Cut Cut～ (呢個時候 Anson 拎咗個價錢牌俾我地, 話我地知加相要幾錢, 叫我地慢慢揀, 跟住就行開咗啦～)
第三 Round, 我地好努力咁 Cut 剩 85 張～ 當時 Eric 都話, 如果真係鐘意, Cut 唔到咪加錢囉～
(好冧) 但係我o既即時反應係, 再掃多次, Cut 多五張走 XDDDTotal 80 張, 一蚊都唔加, 大成功！！！！
我地揀咗油畫先～
本來有一張相 Eric 好鐘意, 揀相果刻已經話想用黎造油畫o既, 點知 Anson 話唔好, 因為果張相造咗出o黎, 個人會唔夠大粒, 睇唔清楚喎～ 結果我地揀咗張鬼死咁近o既造油畫
～ 跟住 Anson 俾埋 D 油畫架我地揀, 我地奇怪, 心諗 [ 咦？冇 sale 我地 upgrade 油畫架o既？] 跟住我地主動話想八吓仲有冇其他油畫架揀, 佢地話有, 不過要加錢( 2k 包埋加大油畫)～ 跟住我地叫佢地拎出黎睇下啦～ 結論係...... 我同 Eric 都覺得唔靚, 同埋油畫加大咗, 實在太大啦！！我地都覺得冇需要～ 最好笑, sales 巡例俾我地睇埋放係門口最大果幅油畫, 大到離晒譜！！！我同 Eric 一見到即刻爆笑, 話太誇張啦, 唔駛加大啦
, 咁大幅都唔知第時擺係邊～跟住就揀相入相簿啦～ 原來揀咩相入咩相簿都幾煩, 但係我地都叫做揀得幾平均, 每本都有齊四個景, 係唔同位, 唔同 post 囉～
我地係以鐘意程度黎入相簿o既～ 最大果本係最鐘意, 第二本係次選, 如此類推～ 第三本差唔多係個人相集咁濟
, 因為第一二本都係揀雙人o既多～ 得少量單人相～ 估唔到我地入相簿o既想法都係咁一致呢～ 
跟住 Anson 問我地轉唔轉果兩本 Cushion 面做埋琉璃面～ 而家做緊 discount 都係加 HKD1,600 蚊～ 其實我同 Eric 由始至終都冇諗過要轉封面, 點知俾 Anson 咁問一問, 令到我地多咗個問題煩添！雖則其實當時我都有小小～～～～想轉, 因為我見佢 D sample 角落頭好殘, 花晒～ 又驚會唔會壓花個面, 但係無啦啦加千六蚊為個封面又好似好無謂咁！要加都要o黎加相啦, 要o黎轉封面！？(而 Eric 第一時間諗到係, 琉璃面會重好多
)我地為呢個問題苦惱咗幾分鐘, 跟住我同 Eric 講：[ 既然我地本身都冇諗住轉, 而大家亦覺得轉唔轉都冇所謂, 咁不如唔好轉啦, 何必無啦啦搵o黎煩？(亦搵錢o黎o徒？) ] (我抵鍚呀呢～～～
)跟住 Anson 都好 Nice 咁話 [係囉, 如果你地都覺得唔需要加, 咪唔好加囉～ 唔駛諗得咁辛苦o既～]跟住最後, Anson 話, 如果我將果十張淨原檔都入埋相簿, 包埋執, 都係 800 蚊o者, 問我地入唔入～ 但係.... 我地又冇加相, 唔通無啦啦為咗入相簿而質夠數咩 (即係要加多十張)～ 所以我地都冇加～ 如果想加相就要二百幾蚊一張, 多唔知幾多張就有幾多折咁囉～ 加 soft copy 就要 HKD180.00 一張啦～ 其實唔係冇錢加, 只係.... 冇乜衝動加相, 咁不如唔好o徒錢加～
好, 講咗咁耐, 相信大家都好心急, 一於去片俾大家睇吓先！！
但係由於我同 Eric 都太蛇鬼驚俾人發現偷拍, 所以偷拍o既質素簡直係差到無倫！！！！！o徒晒呢個黃金機會！
人偷拍我偷拍, 偷拍到 D 相咁差都係第一次見......
同埋, 明有 D 係偷拍咗架, 但係唔知點解會冇咗！！！！激死人！！(以下係部份有入相簿, 有 D 係冇入相簿同 Cut 咗o既相～)
( 1 )
( 2 ) Eric 條褲真係唔知發生咩事....助手又唔提...唉....
( 3 ) 有張係 Eric 拎牌o嫁, 但係佢唔鐘意.... 佢話呢張靚 D 喎.....T_T
( 4 ) 震到..... 偷拍極之失敗～
( 5 ) 夠膽唔聽我話！？哼！搣你耳仔！！(偷拍質素差劣！！)
( 6 ) 我同 Eric 都覺得, 如果 D 波波 fing 得再高 D 就靚爆啦！(又係偷拍手震之作)
( 7 ) 我同 Eric 都好鐘意呢張～ 大家知唔知道呢張重點係影咩呢, kekekekeke
( 8 ) 呢張我好鐘意o嫁！！好溫馨咁...... 但係 Eric 鐘意另一張鍚我額頭o既, 呢張冇份入相簿啦.... / _ \
( 9 ) 震過貓王～
( 10 ) 其實我鐘意呢張多 D o嫁, 但係 Eric 話佢呢張個樣好古怪喎.......
( 11 ) 我鐘意呢張, Eric 又話唔鐘意！！
( 12 ) 呢張咪就係 [呢嚿係咩o黎？] 囉～ XDDD ( 詳情見 "澳門 Pre-Wedding Day 2" )
( 13 )
( 14 ) 偷拍得好差....
( 15 ) Eric 話我係西灣湖忟佢耳仔, 佢要忟返我咁話喎 XD 開心得佢個樣！
揀到威尼斯人o既時候, 由於有部份都係 Eric 軒強 / 死老豆咁o既樣而被迫放棄！！！激死我啦！
我話：[你睇下你個笑容, 軒強到, 死老豆咁！！
我個夜景冇啦, 冇啦..... 
]跟住佢好無賴咁回應：[hehehehehe]
(我後尾至發現, 我冇影低到 D 罪證同大家分享！！)
( 16 ) 張相我好鐘意o嫁！可惜個笑容...唉～
( 17 ) Eric 難得的威尼斯笑容 (都唔明點解可以偷拍得咁差！！)
( 18 ) 本身張相係 OK o嫁, 係偷拍出事 XDD
( 19 ) 呢張就係亞 Joe 話 Eric "鍚得好靚" 果張啦～～ (但係點解 D 色同 D 微粒會係咁o既......
) 
總結：
本來我同 Eric 都預住要洗 2K 買相或者加o野, 估唔到我地最後係一張相都冇加到！！D 相唔係話唔好, 只係有 D 係同一個位影唔同 post, 咁都係差唔多咯, 同一個位唔駛要咁多張啦～ 其次想加果 D 又未至於話靚到非加不可～ 我地真係好冷靜同好克制呀！！
但係唔知呢, 批相又未至於話好有衝動加相, 咁係咪即係話批相唔靚呢！？！
值得一讚o既係, 全程佢地 D sales 都冇怨鬼咁怨住我地, 亦冇好 cher 咁叫我地加錢買相 / upgrade o野～
好 free 好自由咁由我地自己揀～ SO GOOD！！
呢 D 先至係今時今日o既 Services 家嘛！但係, 佢地就冇好似 Mona Lisa, 法國果 D 咁, 會俾幾張 Soft copy 俾 D 客頂住癮先～如果個客真係要, 就要俾 HKD380 買 18 張 Soft copy 喎～ 咁我地梗係唔買啦, 等四個月都有 free o既 80 張 soft copy 啦！！駛俾錢買咁 "on 居"？
沒有留言:
張貼留言