我地影完返o黎啦~~ ^o^ o拿o拿聲整返個大事回顧 Day 1 先！
出發啦！！好多人呀！！！ 估唔到平日o既港澳碼頭係咁多人o嫁！係多人到乞人憎.............. 呢度只係 "一小部份" 咋！未入o黎候船區, 出面仲多人呀！！好似襯墟 + 走難咁！！！！好恐怖！
只可惜我o地掛住等上船同埋執返好 D o野落 Eric 個喼度, 攪到冇影低我o地 D 走難式婚紗相行李, 可惜呀！！！！
我哋第一時間去 Modern Classic 揀衫先～ 初初諗住影低揀衫相, 但係點知姐姐仔唔俾影........
我o地由 12:00pm 揀到 2:00pm, 之後, 我o地就去箂斯 Check In 啦～
估唔到萊斯條樓梯個位咁細, 行過兩步就係餐廳位置, 仲以為超闊添！
但係好在間房都幾大, 我地仲浸浴添！超正～～～
影完一大輪相, 我o地就坐車去氹仔食 Eric 推介o既"肥仔文"食豉油皇炒麵～ 點知！！！！有人辦事不力, 竟然冇留意開工時間, 人地五點至開工囉唔該, 攪到摸門釘............. 我o地唯有轉陣, 去官也街食o野～
第一站去咗晃記買肉切酥先！！點知..... 竟然 "今日售罄"！！！！有冇咁誇張！！！我o地去咗食 "燕窩撻", 熱辣辣好好味～ 跟住就去 "咖哩全" 啦！我o地只係食咗碗麵, 所以冇影相～ 食完麵仲要走去檸檬車露食雪糕...... XDDD (真係影相之前都仲係咁搵命博！)
終於o黎到萬眾期待o既特備節目！ "肥仔殷" 豉油皇炒麵 + 肉丸粥時間
(Oh！係"肥仔文"至啱～)我o地分別嗌咗肉丸粥、菜芯豆腐、豉油皇炒麵～ 整體o黎講, 真係好好味, 大家可以去試吓！本來好開心o既旅程, 竟然為咗呢碟 "豉油皇炒麵" 令我o地鬧交！離開返酒店果陣, 黑晒面～
事源係, 我食咗碗半麵, 跟手就食咗半個肉丸粥同埋菜芯同豆腐, 點知 Eric 極度唔 Like！！佢話我食得太少麵, 攪到佢要食晒大部份o既麵, 如果係怕肥, 就一早講, 咁佢就唔會嗌, 唔應該而家叫咗個麵, 我只係食小小, 而佢就因為唔想o徒o野而掃晒大部份o既麵！！
我完全吹啤咗囉～ 我認, 我係唔想影相前一日食咁油o既o野, 但係我都括咗出去, 照食咗碗半麵, 跟住仲有食埋其他o野家嘛！都好飽家嘛！
就係為咗呢件小事....... Eric 發我脾氣..........
激死我呀！佢話佢接受唔到連唯一o既興趣都冇埋喎～ 佢話食o野係要同人地一齊 Share 先至會開心, 佢話佢唔鐘意我因為減肥 / 怕肥而令到呢個興趣都冇得同人地分享喎～跟住我反問佢, 乜你唔想我靚 D 瘦 D 咩？你成日都話我肥肥肥, 又肥妹肥妹咁叫我！！點知佢話.... [我愛肥妹喎, 我覺得肥妹好可愛喎～] 吹漲.......... 為咗想我食多 D 麵, 竟然咁o既說話都講得出......
不過我係唔會中你計o既～
好彩返到酒店, 大家心情都平復返.... 仲影咗小小夜景添～
細熊只响今晚出現過.... 唉..... 影婚紗相果陣, 我地竟然唔記得影佢地呀！！！！失敗！！！
最失策係, 我竟然漏咗支眼 & 面精華係 MC 個 Locker 度, 攪到今晚冇得按摩添！！我一心拎過o黎就係諗住一齊按摩, 等大家都高水份 D, 易上粉 D 家嘛！好彩, 我仲有其他o野可以按o者, 都叫做好少少啦..... 唉～ 失敗！！
** 想睇 Day 2 o既朋友仔 Add 我啦, 我 Set 咗只係朋友只可以睇得～ ^^ **
沒有留言:
張貼留言