我同 Eric 第一對情侶 Pre-wedding 鞋 ^o^

Hi Hi Hi Hi Hi 鞋～ Hi Hi Hi Hi Hi 鞋～ 鞋鞋鞋鞋鞋 High High～～

Ladies and  Gentleman 登登登凳～～～～ 我同 Eric 第一對情侶鞋誕生～～～

話說今日去旺角洗牙, 洗完牙就周圍行吓啦。Eric 突然話去行波鞋街, 睇吓有冇鞋啱去影 Pre-wedding 咪去行吓囉～

其實我就諗住睇全白色o既, 但係 Eric 覺得太普通, 同埋全白色佢平時好少著o既～

行晒成條街都冇咩心水, 只係得對 Adidas 啱小小, 但係著上腳 Eric 話唔舒服, 所以冇買到！行行吓見到 K-swiss 同呢對同款o既淺灰黑色邊o既波鞋, 試咗上腳, 又幾好睇喎～ 佢無啦啦問 D 員工淺灰黑色邊呢隻有冇女裝, 人地話冇..........  試咗一大輪, 突然間俾 Eric 見到呢隻橙黃色邊邊～ 仲要有女裝添！Eric 即刻叫員工拎隻女裝出o黎俾我試, 我 R 晒頭～

我地一齊試咗上腳, 照o黎照去, 照去照來～ 又試咗好鬼死耐, 個款 OK, 隻色都易襯衫～ 結果, 我就响毫無心理準備之下, 無啦啦買咗對波鞋啦！！


其實我都冇諗過會突然無啦啦買多對波鞋.......

但係既然難得 Eric 咁有心同埋誠意, 我冇理由托佢手踭o嫁～～  就係咁, 我同 Eric 第一對情侶鞋誕生啦！！！！！！！！( 同一時間, Eric 話佢呢兩年唔會再買鞋住, 因為......... 大家都實在買得太....顛.....啦......  )

(大家覺得襯唔襯到白西裝呀？)