揀相注意事項

影相技巧
朋友分享咗小小 Tips 俾我, 我又 share 出黎俾將會去影婚紗相既 Blog 友仔, 希望大家開開心心影番輯靚相啦！！

1. 唔使買婚紗鞋, 因為影唔到架, 著平底鞋最舒服, 要行成日又要企~ ( 除非你選短身婚紗, 又或者你老公係高人 )
2. 男人要自備白企領裇
3. 自備零食, 肚餓隨時有得食
4. 女仔唔使化妝 / 剪髮, 幾亂都得。唔使減肥, 因為佢地會幫你執。
5. 老公們, 到時唔好比佢地幫你擦粉, 如有暗蒼叫老婆幫手遮定。(除非你想變成"白面書生", 加上佢幫你執相後會再白少少 )
6. 老公們要帶一條牛仔褲, 最好帶條洗水洗得靚, 否則好淨色。 (如需要)
7. 帶拖鞋只係著黎行沙灘, 唔會影既, 所以可帶爛拖, 著完即掉~
8. 帶太陽眼鏡
9. 花球同老公既純白禮服, 一定要靚~~ 因為出海既相幾單調, 個花球靚差好遠架~~ 
10. 最後, 不外乎係夠訓！！皮膚好係其次, 因為 D 相一定會好好, 佢唔會比你有一粒暗蒼既~

主要係影相時肯笑。同埋全日夠精力玩﹗﹗
祝大家都影到靚靚婚紗相啦~~


揀相技巧
第1輪~ 西左唔要o既..即係笑得唔靚..肥左o既相... 
第2輪~ 每個景選1張必要o既keep起... 
第3輪~ 再睇番可以再加o既... 
第4輪~ 就check多次次第一輪out左o既會唔會有d可以要番.. 
陷阱... 小心小心... 例如: 

1. 送的相薄有多少頁, 可貼幾多張相, 是否配合package內包的相片數量, 否則可能被迫加買相來填補相薄的吉頁. 
2. 相框及相薄的選擇, 如果join package已選到心儀款式, 要寫明在單上, 否則可能到揀相時可能會話無貨或無display出來給你選擇. 
3. 相片裁放是否和油畫及package內包的相片size配合, 例如底片4方, 但油畫長方, 大相細相都係長方, 咁影相時就要要求攝影師就返長方構圖來拍攝. 
4. 要計計join package的每張相平均價錢, 看看加買底片是否值得或是比join package還要貴. 

最好帶個有經驗之士去一齊揀相!!! 多個人, 多把口～ 免得把持不住... 失血過多而死!!



揀相秘訣

揀相是最容易令新人把持不定，失去預算的環節。尤其對攝影認識不深的新人來說，由於不懂分辯相片的好壞，很多時會因一時衝動，枉花金錢。以下提供一些揀相要點以供參考：
       

1. 要避免超支，在選擇相片前就要先想清楚想要的效果、相片數量。
2. 選擇繁忙事間揀相，有其他顧客在場，就算店員對您施壓也有所顧忌。
3. 找有經驗或對攝影有認識的朋友陪伴前往給予意見。
4. 不要心急，慢慢和店員討價還價。
5. 如果想做纖維膜或裱相框，可考慮拿相後再找其他店舖加工。
6. 可藉詞先試影，再作比較，或者已經影過一次，作為不打算大量晒相的原因。
7. 就算對照片很滿意，也盡量抑制喜悅之情，否則，縱有減價空間，店員也未必肯提出。
8. 堅持要店員一次過把所有照片展示出來，先剔除不要的，再從剩下的挑選。
9. 挑選相片時，應同時考慮是否與相簿的背景配合得宜。
10. 別偏重揀選某套婚紗的相片，以免出現一套婚紗重複穿著的錯覺。
11. 注意這是結婚相集，不是個人寫真，別只顧選自己的單人照，而忽略新郎的照片和合照。

朋友提醒: 

首先你預備好電話 , 同埋相機 , 隨時行動.....

選相時 , 先選一些想要的相出來 (因唔要的會俾番晒佢) ,
然後再細分佢地 , 分為一定選的相或可能會選的相！

當 sales 一行開 (通常頭一兩份相佢都唔會行開) ,
負責偷影的人就要馬上行動 , 影低 D 只係可能會選買的相..
咁到時就算唔買呢 D , 都唔會冇左呢 D 相...(記住首選影低呢 d 可選可不選的相) 

仲有, 你地要磨耐 D,
咁 sales 就會唔耐煩, 或者有事要行開下...
如果佢唔行開, 你可以請佢行開陣 , 話要求私人空間俾你地相量下...
呢個時候又可以影, 為所欲為了... kakakaka

p.s：
你地最好要求坐係冇咁多人o既位置睇, 如果坐係廳出面睇 , 好多人行來行去 , 你地好難有機會落手~