胡志明市 → 未夠鐘集合, 早餐後同團友去 Big C 掃貨 → 地道中菜 → 自由人時間 → 重點行程！！！搵 Trung Nguyen 買 Legendee Coffee
→ 食 Bach Dang 雪糕 → 搵想食果間法國菜餐廳 (點知竟然成座商場拆咗！！！有冇黑成咁呀.......) → 歌劇院 (門外拍照) → High Tea → 返香港 
今日特登早小小起身食早餐, 食完早餐見仲有時間, 又冇咩做, 由於我地想買越南粉麵同埋其他地道淋 sum o野, 咪問酒店職員, 附近有冇超市囉～
點知原來附近有間 Big C 喎！！行過去都係 10 拎分鐘倒, 結果我地一行好多人, 就一齊浩浩蕩蕩去掃貨啦～
到咗 Big C, 大家二話不說 -- 對錶, 約定時間出返黎等, 就開始分頭行事啦！
我同 Eric o既目標係越南粉麵同埋魚露！衝呀！！！
試食o既麵, 麻麻地o者, 冇買到～ 嘩～～好多新鮮出爐法包呀！！！我買咗一條返香港食, kekekeke
掃完貨, 拿拿聲返返酒店 Pack 好行李, 就準時報到上車去食 Lunch 啦！果餐又係中菜, 炸炸炸, 唔駛影相～
導遊係歌劇院附近放低我地, 以下將會係自由時間, 亦係我最重要o既 "搵 Trung Nguyen 買 Legendee Coffee" 時間！！！
整返張歌劇院近景同遠景先 XD 我哋仲撞到有 pair 越南新人影婚紗相添～
謀殺完一輪菲林, 就去搵 Trung Nguyen 買 Legendee Coffee 啦～ 好彩都唔算難搵～
我買咗一盒兩條裝o既金條, kekek 非常之滿足咁離去啦～ 而身上o既越南錢, 亦因而大幅度減少............
行行吓見到好出名o既 Bach Dang 雪糕, 梗係要試吓啦！！
但係由於佢個樣冇 Fanny 雪糕咁靚, 所以我地冇影相, 點知！佢o既咖啡味雪糕, 我同 Eric 都覺得佢好味過 Fanny！！！好可惜冇為佢留倩影～
至於論門面同款式, Fanny 多好多～
食完雪糕, 團友話想食法國菜, 我地好努力咁搵 Map～ 行o黎行去, 行去行o黎都搵唔到～ 點知！！！原來竟然係成座商場拆咗！！！
超黑o既我地, 已經冇咩時間剩, 所以只係係間 Cafe 度坐低, 飲杯o野抖下, 因為實在太熱啦～响呢刻, 我有 D 後悔冇返返去郵局度影相！！！算啦......
飲完o野就要返返去歌劇院集合, 坐車去機場啦......
嗚..........要走啦！！！！！！！
飛機小插曲: 我叫咗雞柳飯, 熱辣辣, 都幾好味～
但係由於 Eric 叫o既魚柳意粉要等多 10 分鐘, 冇得食住, hahahaha 我唔客氣啦～～～～
Eric 份餐終於都o黎啦, haha
兩條友超無聊係度玩蝦片～ XDDD
話咁快就返到屋企啦～ 一於攤晒 D o野出o黎 Say 個 Hi 先！！！！
旅遊總結：而家睇返第五日行程, 感覺上硬係好似有 D 浪費咗, 應該要 Plan 得再好 D 至係, 可惜呀！！
諗住跟團真係可以咩都唔駛 Plan, 好彩都叫做做咗小小功課, 不致於做盲頭"烏英"～ 起碼早幾日都叫做買到 & 食到自己 (及大家) 想試o既o野～ 如果唔係, 真係會失色不少囉～最後....... 連 Eric 都忍唔住講咗句 [下次旅行, 我地都係自由行罷啦～] XDDD
若果你問我, 越南係咪一個咁好玩o既城市？我覺得或者自由行會好小小o既～ (僅限於大膽, 鐘意自己搵掟行同搵o野食o既朋友 Only！！) 因為導遊講到治安好似好麻麻咁～
但係要留意一點, 果度 D 人o既英文真係非常之麻麻！時常有雞同鴨講o既情況出現！！
唔鐘意 Plan o野 & 怕煩交通o既朋友, 請繼續跟團～
～
五日行程完結, 多謝收睇 ～ 
沒有留言:
張貼留言