2012年2月1日 星期三

近期令我好頭痕o既租衫安排~

雖則係早o左小小~~~ 係而家我真係好頭痛, 我應該點安排 D 衫呀~!!!
暫時衫o既流程會係咁安排o既~

著褂出門 → 入門 → lunch 後換婚紗(1)去外影 → 跟住 4:00pm 返到博藝, 抖一陣, 食 D o野, 4:45pm MUA 到場幫我轉妝 → 繼續著婚紗(1) 證婚 → 著褂斟茶 → (想~換席前晚裝, 但時間未必許何) → 著婚紗(2) march in → 換敬酒晚裝 → (如席前著唔到晚裝迎賓, 想~換一件晚裝起呢段時間影相, 但唔知時間許唔許何) → 換送客晚裝
問題o黎啦!!

1) 因為我 6:00pm 證婚, 如果我 4:45pm 至開始轉妝, 咁咪只可以轉證婚個 look 囉? (我到場果陣已經著住套證婚婚紗, 只係需要轉妝轉頭就 OK) 因為我想換件席前晚裝, 咁咪即係冇咩可能係 4:45pm 轉咗席前先, 影半個鐘相, 跟住 5:30pm 再轉返證婚 look 囉? 係咪會太趕?

2) 我當我證完婚至換席前晚裝, 問題又黎啦~ 我證完婚都已經 6:30~ 切埋 cake, 影下相都要 6:45 起碼啦~ (都唔知得唔得添呀)

因為媽咪想我著褂斟茶, 結果又碌返入房換衫同妝! 我當 7:15pm 換完出去斟茶影相, 極速咁都要 7:45pm 返入新娘房換席前晚裝, 出到黎都已經 8:15pm..... 咁都已經差唔多 march in 啦!!!!咁其實我件席前晚裝係咪根本冇時間著呢?? 咁我咪即係等於著住套褂黎迎賓囉!? T_T

3) 我起度諗緊, 其實係敬酒至散席其間, 我仲可唔可能 zip 到件席前衫入去影相呢? (我 total 想著三件, 席前, 敬酒, 送客) 其實我會唔會太貪心太趕呢???

o黎緊我都開始準備租衫o嫁啦~ 所以度緊應該係租 2婚紗, 3晚裝(席前, 敬酒, 送客), 定係 2婚紗, 2晚裝 (敬酒, 送客)~
因為我分開唔同公司租, 所以要計清楚究竟要幾多件呀!!! 頭痕!!

其實, 係咪我貪心o左呢!? 大家有咩建議呢??

沒有留言:

張貼留言