胡志明市 → 戰爭博物館 → 自助午餐 → 漆器廠 → 隆城水果市場 (極度坤水！！D o野貴過出面兩三倍！) → 頭頓 → 頭頓海灘 → 越式風味餐 → 自由人時間 (我哋冇 Join 導遊o既自費大頭蝦餐, 打算自己出去食, 點知........唉..... 行得太遠, 又攰, 各人冇力回頭再食) → 食雪糕 → 露天 Bar 飲"滴滴甘" (好好味！) → 返酒店休息
Yo!! 今日要轉地方啦！我o地會轉去頭頓, 好期待聽日o既耶穌山呀！！
食完個早餐就起行去第一站 -- 戰爭博物館！！
1 成個館都只係得相片...... 講解又唔係太清晰我同 Eric 都覺得呢個博物館可以再做好 D~
好彩仲有其他物件可以影吓相~
好可惜.... 影完 Eric 果張就俾人發現咗... 仲被勸籲唔准企上去影.... T_T
唔好碌扁 Eric 呀!!!!!
咪睇 Eric 好似超梳呼咁o既樣, 其實佢腳都震埋 XDDD
走人lu~ 行到出去外牆無啦啦見到走地鬥雞一隻~~
食完餐連想都唔想影o既所謂"酒店"自助餐 Lunch 之後, 臨上車前見到有法包賣, 諗住整返個啦～ 點知超級極度雞同鴨講, 結過買唔成.......
Lunch 後, 我o地o黎到漆器廠～ 真係好佩服佢o地 D 手藝！！好勁！！(但係我地成團人係冇人幫襯o既！)
睇完工藝品, 我哋就出發去頭頓啦！中途會經過 "隆城水果市場" 俾我哋去吓洗手間同埋休息吓～
(極度坤水！！D o野貴過出面兩三倍！)
越南特產 -- 牛奶果起碼都叫做試過吓～ 都幾好味～ 食落似冧柿, 冇牛奶味o嫁！只不過係 D 果汁係奶白色而被命名o者～
除咗試吓生果同真係好口渴而買支o野飲吓之外, 大家千祈唔好係度買野, 一杯野飲都貴過出面一倍有多！(出面一杯"扇多"都係賣緊 VND15,000 , 呢度賣...... VND35,000！！！)
Eric 睇中咗金邊粉, 要 VND150,000 一包！我哋都有小小覺得貴o既, 但係當時唔知價嘛！以為真係要咁貴～
同時間我見到有 G7 咖啡賣, 咪走去問响出面買咗同款咖啡o既團友買咗幾錢, 睇吓呢間o野食水深唔深～ 嘩！好彩問問o者！！人地出面賣 VND45,000 一盒, 佢呢度賣 VND150,000 兩盒！貴咁多！！
我即刻截住 Eric 叫佢等一等先, 再同個女 sales 話 Hold 一 Hold 睇埋其他o野先。當時個女 sales 見到咁o既情況, 已經知道出事, 佢冇理我, 仲即刻好快手咁話幫 Eric 袋好 D 金邊粉, 去計數！
我再講話 Hold 住先, 拉走咗 Eric (sales 已經露出"衰咗"o既神情), 仲同佢講盒咖啡o既價錢, 唔知點解佢果刻好似著咗魔咁唔明我講咩, 要我重覆幾次, 佢至明！後尾佢就梗係唔買 D 天價金邊粉啦！！(好彩冇買咋！！同出邊差幾倍呀！！) → Eric, 你諗住點樣好好報答我呀?? kekeke
Eric 話要影兩張唔同 Post o黎反映佢o既不滿！！
混完水之後就再上車繼續行程啦～ 終於到咗我地o既目的地 -- 頭頓！！果度真係幾舒服～～
响間房個露台度望出去o既景況～
襯仲未日落, o拿o拿聲出去影返幾張靚風景相先！！！
呢間就係我地今晚o既酒店名啦～ 只可以話係企理乾淨, 比起想像中好好多, haha
見到都有 D 驚o既炸炸炸 again.............. 但係呢間酒店 D o野, 煮得幾好味～
食完飯之後, 我地幾個團友話出去食海鮮 + 行吓, 但係...... 去到都實在未落格, 所以周圍影吓相先～
俾我地發現咗餐廳有個地方影聖誕o野, 一個二個係度攪攪震, hahah
五星戰隊呀！！haha 好攪笑～
由於佢地仲未餓, 所以離開咗餐廳, 周圍行吓, 點知越行越遠～ 大家都無力行返返轉頭食海鮮............... T_T 變咗去食雪糕......
頭頓俾我同 Eric o既感覺都幾寫意同舒服～
幾疊馬！！！
食完雪糕, 我地就去咗嘆 coffee～～～
叫o野食果陣發生咗段小插曲, 就係 D 員工真係聽唔明英文..... 我地俾埋個 menu 佢照跟都攪唔掂........... 結果我地張單足足落咗 15min 至攪得掂～ 可惜.............. o黎到仲係有兩杯錯咗, 同埋漏咗一杯o嫁！！！
如果真係想發展旅遊業, 我諗真係要諗諗溝通點攪, 因為越南好多人只係識法文同越南文, 加上頭頓都幾多外籍遊客, 如果佢地唔攪好 D 英文都真係相當之難溝通吓...........
越南滴滴咖啡, 好好味！！！
唔知係咪行得太遠呢, 我覺得肚餓～ 見到個 menu 有法包嗌, 梗係食啦～
點知！！！！中咗伏！！！點解會o黎咗個早餐咁款o既"法包三文治"o嫁！！！！！！！！！！！過份............ T_T
～ 待續 Day 4 ～
頭頓俾我同 Eric o既感覺都幾寫意同舒服～
幾疊馬！！！
食完雪糕, 我地就去咗嘆 coffee～～～
叫o野食果陣發生咗段小插曲, 就係 D 員工真係聽唔明英文..... 我地俾埋個 menu 佢照跟都攪唔掂........... 結果我地張單足足落咗 15min 至攪得掂～ 可惜.............. o黎到仲係有兩杯錯咗, 同埋漏咗一杯o嫁！！！
如果真係想發展旅遊業, 我諗真係要諗諗溝通點攪, 因為越南好多人只係識法文同越南文, 加上頭頓都幾多外籍遊客, 如果佢地唔攪好 D 英文都真係相當之難溝通吓...........
越南滴滴咖啡, 好好味！！！
唔知係咪行得太遠呢, 我覺得肚餓～ 見到個 menu 有法包嗌, 梗係食啦～
點知！！！！中咗伏！！！點解會o黎咗個早餐咁款o既"法包三文治"o嫁！！！！！！！！！！！過份............ T_T
～ 待續 Day 4 ～
沒有留言:
張貼留言