上 Show Sweets workshop 進行磋商

(我實在太懶啦！拍完片都仲未捨得寫返再一次 "Facebook 萬人 LIKE" o既 Post！一於的起心肝寫寫佢先！)  

宣佈得奬o既第二日 (11 Aug 12), Show Sweets 已經好快咁係 facebook 聯絡咗我, 仲約咗 13 Aug 12 上去傾 Free Engagement photo + video shooting o既細節～ 

一切準備就緒, 點知 Eric 突然打俾我, 半死o既聲線話佢個胃唔舒服, 所以過唔到o黎啦～ 咁冇計啦～ 我唯有單拖過去啦。其實都有諗過改日子再傾o既, 但係後尾打去問咗對方, 佢話唔駛即刻決定去邊度影 / 影 D 咩, 只係傾下有 D 咩需要留意就得o嫁啦～ 咁 OK 啦～ 咪照去囉～ (點知俾人冼咗！！！！)我早咗好多去到尖沙咀, 上到去, 有三位男仕, 另外仲有位女仕添～
原來果三位男仕, 就係幫我地拍攝o既亞 Kin, Andy 同埋 Matthew, 我地互相介紹完之後, 事不宜遲～ 即刻去片睇 D sample 先～

跟住就開始傾細節啦！e.g. 我地想影 D 乜、去邊度影、我地要有 D 咩留意～
越傾越唔對路, 我即刻奇怪, 乜唔係只係佢地話俾我知有咩要留意o既咋咩？點解傾到咁深入, 好似差唔多係想定埋日子同去邊度影咁o既？！由於本身電話裡面果位小姐話唔駛即刻決定, 所以基本上我係咩準備都冇, 就咁走上去o既～  同埋我都要同 Eric 一齊揀地點同埋夾一夾想拍咩 feel o既 Video 家嘛！！ 我當時真係唔知可以答實到佢地 D 咩～ 只能夠話俾佢地知我同 Eric 鐘意 D 咩, 同埋我地有咩經歷～

由於冇結論, 所以唯有下次再約過啦～ 點知响我地差唔多 say bye bye o既時候, Eric 突然間打o黎！！原來佢後尾臨放工果陣好返小小, 佢怕我一個人攪唔掂, 所以決定過o黎一齊傾。


 最後我地落實 26 Aug 2012 (Sunday) 於中環碼頭 WaterMark 餐廳外進行拍攝！