16 June 2012 - MC 開倉記

今日本來係為咗靚太 Carman 而去睇開倉, 但係點知 Carman 發燒o黎唔到, 所以就得我同靚太 Rainie 去睇啦～ 由於佢要返工, 所以我過咗去睇住先～

我 1:00pm 去到, 當時好大雨, 唔算好多人, 但係都已經見到有好幾個人買走婚紗～ 多數拎走o既都係 D 閃令令o既 A-Line 款～

我 dou 咗個圈, 發覺好多都係大大條, 好 sa 果 D, 紗料o既婚紗真係唔太掂, 灰灰的.... 反而緞布就有 D 白淨o既！但係我一心搵條 A-Line 影 Pre-wedding, 加上 Eric 不嬲都唔鐘意 D 勁 sa o野, 所以都完全冇諗過 D 勁 sa o既款！

好, 一於去片俾大家睇下我 D 戰利品先！！


1) 影相唔閃, 但係打射燈後好閃o既 a-line 婚紗～ (夾位同博頭位條帶有小小鬆, 要自己釘幾針縮短佢～)

 

2) 自己影相唔閃, 但係 D 石响射燈下好閃！！超愛後面呢排石！可以用黎做敬酒！個人認為有別於出面 D Lace 旗袍, 因為我著果 D 好似唔多襯, 呢 D 款好似高貴 D 咁  (有小小窄, 應該要放小小啦～)

 

3) 呢件超級鬆！！要順修呀！！唉......

 

4) 我一到場, 第一時間已經拎住咗呢兩件男仕恤衫, 係咪抵鍚先！！