呢兩日同 D fds 去咗澳門玩，都玩得幾開心！^o^
呢個 Trip 與其叫 " 馬交之旅 " 不如叫" 賭場之旅 "，因為我哋基本上大部份o既景點都係賭場！賭場！and 賭場！
去咗咁多次澳門，去得最多賭場都算係今次！Hahaha
我哋撘 1:00pm 船去到澳門，去到o既第一站係漁人碼頭，我哋全部一致認為，佢點解仲可以生存到。
果度比起我 2006 年去果陣更加人影都冇隻咁濟！真係鄧其他鋪頭擔心！果度 D game 全部都冇開，間機鋪 D game 又唔 Update！
行咗陣，發現有間 "巴比倫娛樂場" 咪入去參觀吓囉。
行完之後，我哋就去咗 "金沙" 啦！有朋友仔，唔駛一陣就贏咗 $1,000，真開心！
離開咗金沙，我哋周圍行，入咗間唔記得係咩o既餐廳食o野，我哋叫咗手拍黃瓜、水煮牛同埋餃子。
果窩 "水煮牛" 真係見到都驚！係滿佈辣椒响成個窩度！我第一時間投降！( 因為我怕辣 )
但係响衆多朋友仔o既力薦保證下，試吓食，咦？又真係唔辣喎！仲幾好味添！
由於我哋 Book 咗 8:30 – 10:30 去 " 新葡京 " 食自助餐，我哋就轉戰 "新葡京 -- 自助山" 啦！
果度都幾靚，仲有 D 靚女响度跳舞 ( 豔舞？) 分散 D 賭客o既注意力！hahahaha
到到差唔多時間，我哋就上返去等入座啦！好多人！真係好多人！有 D 應該仲係慶祝母親節添！( 見到媽媽拎住花花 )
唔知係咪真係香港人特色呢？排隊入座又多人，拎o野食又一窩蜂咁！食唔切咩 ……….
跟住，我就响呢度奉獻咗我o既 第一次 ！就係 食生蠔啦！！！仲要一食食咗五隻！
我之前係因為成日都驚唔乾淨，所以一直都唔敢食，今次又無啦啦抽起條根想試吓，原來都幾好味！
果度 D Cake 都唔錯！我最喜愛o既 " 他拉米酥 " 整得好好味！我忍唔住食咗兩轉！今次實肥死！XD
但係果度 D Caesar 醬真係呢～～～～～ 從來未食過咁鹹o既 Caesar 醬！(絕對唔係變咗果隻鹹！) 鹹到震！失望！
食飽飽之後，我哋就去咗揼骨啦！都揼得唔錯！跟住仲响果度訓太空倉，感覺都幾得意！
(但係如果睇緊o既朋友仔，係訓唔慣硬床的話，要考慮吓先至好試啦！因為都幾硬吓！又或者係呢間先至係硬o者，其他我唔知啦！)
總結呢兩項行程，我都覺得幾好，我打算會同我屋企人去食同埋去揼骨囉～ ^o^
沒有留言:
張貼留言