攰爆！阿里山 + 清境羊咩開心之旅！23/4/09 (Day 3)

早一日我哋懷住勁擔心o既心情上山, 好驚天氣唔好會睇唔到日出！

結果！！多謝各方面照顧照顧～ 今日天朗氣清！！WoWwOWOw
今朝好準時 3 點幾起身, Eric 勁興奮, 個樣超級精神, 相反... 我就 -- 殘   到  爆！！
梳洗完, 我哋四個香港人就去買早餐食啦！我哋買咗熱辣辣o既姜母茶 + 肉包兩個！食飽飽後, 我哋就去火車站等 "觀日火車"！

火車到啦！有小小失望........ 架火車仲衰過 "阿里山小火車" .......

落咗火車仲要行多陣上山, 導遊話, 唔好行咁急, 因為驚有 D 人身體狀況頂唔順, 會有高山症～

我哋終於都o黎到位於海拔 2500 尺o既玉山啦！！！   (呢張相係日出之後影o既, 所以先至會咁光！)

開始日出啦！！！雲海亦慢慢散去～ 我哋影相影得唔靚, 現場睇真係絕對覺得呢次行程係值得o既！因為真係好靚～～
不過最可惜o既係, 因為今日雲層較厚, 所以我哋睇唔到佢精彩o既 "彈跳式日出", 就連太陽伯伯都見唔到～

  

   

我哋四條友周圍影相, 影到忘晒形, 突然聽到......"嗚嗚～～ 嗚嗚～～ 切切...切....切切切切切......."
死火！！！！Miss 咗班落山火車！！！！   當時成個山頭只係得返我哋四條友仔！

但係塞翁失馬, 焉知非福！好幸運地！竟然俾我哋狂影相影到 Miss 咗落山果架火車o既四個香港人, 有緣响厚厚o既雲層中, 見到太陽伯伯同我哋 Say Hi！！振奮呀！！！

   

由於我哋 Miss 咗唯一一班落返阿里山站o既觀日火車, 我哋一行四人唯有行落山啦～ (都真係幾遠吓, 好攰.....)

亦因為咁, 我哋至可以慢慢咁欣賞呢座山, 佢o既一草一木, 真係好靚...... 好靚...... (雖則我哋影相影得唔靚 XD)

    

     

行到咁上下, 我實在行唔陏啦, 決定打俾民宿叫佢哋車我哋 , 我哋就同果 pair 香港人分道揚鑣啦！
我哋返民宿執行李 + Check Out, 本來諗住撘 11:10am 果班車o既, 我哋見早咗, 就索性撘 9:10am o既公車落返去 "嘉義高鐡站"！
(點知！！原來架車只係去"嘉義台鐡站"！早知就响果度寄存行李, 唔鬼拎兩大件行李上山, 塞晒要用o既o野落背"狼"算啦！！上山果陣拎到我哋成隻 dog 咁！！當場俾 Eric 狠狠地啤住咗......)

我哋去到 "嘉義台鐡站", 坐 BRT 接駁車去 "嘉義高鐡站", 大家唔好攪錯兩個車站呀！坐o既車同埋車站位置係差好遠o嫁！！
由於早到咗, 正所謂 "早起的鳥兒有蟲吃～" 高鐡飛係有 65 折o嫁！！！！又成功慳返一筆啦！

到咗台中, 我哋即刻去搵去"埔里"o既公車位置先, 因為一 Miss 咗, 就會嚴重影響咗我哋去清境o既行程！
確認咗位置, 我哋就去食 lunch 啦～ 食完時間啱啱好, "埔里" ～ 我哋o黎啦～～～

 


3:30pm 終於都去到 "埔里" 啦, 見仲有時間, 所以決定行咗 "埔里酒廠" 先～ 行到 4:00pm 就去搵 "南投客運公車總站" 啦！因為由 "埔里" 上 "清境" o既公車, 每日只得四班～尾班車係 4:30pm！！！Miss 咗o既話, 就要自己包車上去啦～

一路行一路問人, D 人指咗我哋入咗個好似廢車場o既地方, 超驚～ ( D 公車好似好殘咁 )
見到有人, 我哋就梗係再問清楚啦～ 點知！！！！呢個疑似廢車場o既地方, 就係殘爆o既 ─ 南投客運公車總站！！！！！唔問清楚, 真係以為係一個廢車場！( 而答我哋o既人..... 原來就係其中一位司機........ )

坐咗粒零兩粒鐘之後, 終於都到咗我哋重點行程嘆世界三日兩夜o既清境靚靚民宿！

普羅旺斯玫瑰莊園～我同 Eric 都好滿意～
我哋將會响度留 3日2夜！～

當時做緊o既優惠係, 入住佢哋o既民宿, 係會包埋早餐, 晚餐同埋下午茶o嫁～

果度周圍o既景色好怡人, 我哋响民宿影完一輪相就落餐廳食晚飯啦～

  好好味！！！


食飽飽就周圍遊啦！我哋去咗最集中o既 "清境農場遊客休閒中心"！

 

買小小手信先～



响海拔 1743 公尺o既 7-11 玩薯片！！
由於高山關係, D 薯片變到脹卜卜～

 

回程行返民宿o既時候見到呢個牌～
雖則話就話 7-11 梗有一間响左近, 都唔駛近成咁呀........

待續 ～ Day 4 ～