^ O ^ 高雄 + 墾丁激曬激熱之旅 5/7/08 (Day 5)

今日係旗津日！！！

 

今日晨咁早，我哋就出發去旗津啦！我哋去咗真愛碼頭 坐船，好老實，隻船一般般靚啦，船程亦只不過係幾分鐘。

一到埗，我哋嗱嗱聲去咗拎 Map，我哋至發現，佢話就話係漁村，但係我哋覺得，佢絕對絕對唔只係村咁簡單囉！

  

 

  

  

  

我離遠見到我好想去o既 旗津燈塔，第一個反應已經決定放棄！！！連當地人都叫我哋唔好去。

因為……. 我諗未上到去，我哋四條友應該已經會嚴重脫水 + 中暑！

 

我哋聽人講，旗津o既燒魷魚好好食，我哋就買咗三條試吓啦！口感都唔錯，又真係幾新鮮。

初初我哋諗住响碼頭租單車，但係又想格吓價，同埋周圍行吓睇吓試吓地道小食先。

結果！就係因為呢個 錯誤o既決定！導致我哋四個人，變咗四隻熱爆狗………. T_T

 

我响度奉勸各位，千祈唔好好似我哋咁選擇行一陣o既或想格價，因為你   會   極   度   後   悔！！！

因為原來由碼頭行去 斗六冰室 要行半個鐘，來回即係要一個鐘！！！就連平時都 OK 行得o既我，都行到差 D 想死 ！！

仲要係 烈日當空！萬里無雲！沿路仲要係一間單車鋪都冇………..

後尾至發現……. 原來單車只係 碼頭至有得租o嫁咋！！>.<

 

我哋完全感受到响地面被 乾煎 而我哋 極力掙扎 o既感覺！攪到連平時唔會點開遮遮太陽o既我，都頂唔順要開遮遮吓我 D 幼嫩o既肌膚～～ XD

 

我哋行到成隻o野咁，終於去到 斗六冰室 食雪糕！傻燕叫咗士多啤梨雪糕，我就叫咗 酸梅牛奶冰 好好味呀！！ 正爆！

冰涼解渴！簡直有冰涼暢快o既感覺呀！ Cool ～～～ 各位朋友，值得一試！

 

   

食完雪糕我哋就行返去碼頭租單車，我哋都睇中咗電動單車，可以唔駛咁辛苦狂踩嘛～～ ( 好彩真係冇就咁租人力單車！否則真係會死人！) 沿途o既風光都好靚，不過就真係曬咗 D 囉～

  

 

踩咗大約 30 分鐘，終於到達我極想去o既 風車公園！果度 風景真係好靚！我哋係咁影相！我哋絕對覺得無論幾熱都好，o黎到呢度，真係值回票價！呢度俾我哋感覺好舒服！去我哋又响呢度狂跳影相，hahaha

  

 

 

  

我哋跳咗好多次至有呢個成果o嫁！！！

謀殺完數碼相之後，我哋就踩單車去 萬三海鮮 食飯啦！勁抵呀！

  

呢度咁多o野都只係 NT450.00 咋！！！！極之抵食！！各位朋友仔有機會可以去試吓！

 

食飽飽，我地返去拎返架單車啦！點知！竟然發現 有人攪緊我哋果兩部單車喎！！傻熊二話不說，一個箭步去睇吓咩事！原來～～ 果個係單車鋪o既人，佢見我哋咁耐都未返去，驚我哋出事 (因為如果沿住條馬路直踩，原來係會唔知出咗去邊度市區o嫁！) 所以特登o黎搵我哋，順便帶我哋返去碼頭！

哥哥仔，好好人呀！！！*o*

還完車就四圍行咗一陣, 買手信～

 

 

行完旗津，我哋就坐船出返去真愛碼頭啦！等船中...........

呢期最愛o既燒仙草～ 好味道！！！

     

食完冰冰, 就轉戰 愛河 ── 愛滋船！( Oh！Sorry，傻熊講得多攪到我都攪錯咗添！應該係 愛之船 至啱！XD )

好老實…. 愛河呢，岸邊行吓，去 Bar 飲吓o野都還 OK 靚o既，但係若果話係坐船呢，我哋四個都認為，不坐也罷！D 景仲衰過沙田城門河！！

  

 


迷幻中的愛之船～

   


行完愛河，我哋再行咗陣六合夜市就返洒店做豬啦～～～

 

 

待續 ～ Day 6 ～

^ O ^ 高雄 + 墾丁激曬激熱之旅 3/7/08 (Day 3)

今日，係水上活動日！^o^

聽返 D 村民講，今日，係今年暫時o黎計，最好天o既一日！

今日我哋 9:00 起身，享用民宿 MA MA LU LU 老闆娘所煮o既早餐～～

食完個早餐，我哋就返返房整理行裝啦，唔知係咪前一晚實在太攰，我哋幾個又訓咗陣。

支支助助，攪到 11:30 至出發去玩水！

响等車o既期間，我哋就係咁响民宿度影相，我最鐘意，都係大堂附近果條樓梯！

  


呢度落去就係我哋食早餐o既地方～ 民宿老闆娘手藝好好, 早餐好好味o嫁！！

  

 

車o黎啦！我哋至發現，原來一齊出車玩o既，仲有三個台灣人，上咗車一陣，就到咗 我哋玩水o既地方係 ── "後壁湖"！

我哋揀咗三合一 ( 浮潛、甜甜圈、香蕉船 )，穿著好晒 D 裝備之後，就落水啦！

好唔靚o既潛水衣裝束～～ (抱歉，個樣仲要有 D 醜添！)

 

浮潛o既景色唔係話好～～靚，但係幾舒服，攪到本來唔浮潛o既傻燕都忍唔住潛到唔想走！

本來預計玩o既甜甜圈，响傻燕擔心出事唔肯玩o既情況下，改為玩水上電單車。

 

最好笑係，教練教我哋浮潛o既時候，問我識唔識台語，我話，我只係識一句：「 娃唔制～ (即係，我唔知。)」跟住全場勁笑！hahahahaha  教練唯有繼續以普通話教學。

 

當我潛得好開心o既時候，突然有個同車o既台灣朋友游埋o黎我身邊拉走我！我梗係打咗個突啦！  (台灣都有豔遇！？ XD)

細問之下，先至發現～ 原來！我正下方，有隻水母响度暢泳緊！！！但係我竟然睇唔到 ………… 

若果唔係佢拉開我，一個唔覺意炸中咗，真係唔慌唔 "炸醬麵" (炸中面)  hahahaha  XD

 

玩到咁上吓時間，我哋就返返民宿啦！

本來我哋仲預咗 玩水底潛水，或者坐吉普車，其實我好想潛水，但係可惜朋友仔都唔想潛 ….. 我唯有放棄，其次係我哋實在太攰，返到去沖完個涼都已經散晒！

食咗個下午茶，行咗陣，我哋又 ～～～～～ 返去訓過。

响熱辣辣o既墾丁, 驚見 "雪橇犬"！！！(真係冇陰公....)

  

一訓！由 7:00pm 訓到 11:00pm 點，兩位睡公主終於都起身啦！( 至於傻熊同傻燕仲係繼續訓緊嫁吓！)

我同公主都覺得唔可以就咁o徒咗一日！其次係 ……. 我哋未買齊手信！！！所以一致決定出去墾丁大街行吓。

 

買手信o既同時，好開心地，我買到心頭好，木頭貓一大隻！

我哋掃完貨，就順便買埋o野食返去餵人啦！( 跟住 ….. 執好行李，又訓過 zzzzzZZzZzzzZ )

 

墾丁 ，俾我o既感覺好舒服，我，鐘意呢個地方。

 

待續 ～ Day 4 ～

^ O ^ 高雄 + 墾丁激曬激熱之旅 4/7/08 (Day 4)

今日，係我哋留响墾丁o既最後一日！

 

我哋一早起身，食埋個早餐，懐住好唔拾得o既心情收拾好行裝，跟住我哋就 博晒命咁影相啦！果度真係景色怡人呀～～

 

 

寄存好行李，本來預算去墾丁牧場睇羊咩咩，但係 MA MA LU LU 強烈唔建議 我哋响太陽咁毒辣o既時候去。

我哋商量咗陣，決定都係去行多陣墾丁大街，因為傻熊同傻燕都未買齊手信！ 

買完手信，我哋去咗食冰冰～

  

跟住就返民宿拎行李，Call 車車去我哋去......

萬眾期待o既 ～～～ 國立海洋生物博物館！

呢個係墾丁最大、最矚目o既海洋生物館。裡面真係好大，我哋行咗好多個鐘，行到人哋收工至走 (7:00pm)！出發返高雄o既時間，足足比我哋預算o既遲咗兩個鐘！

 

  

  

  

  

   

返到高雄已經係十點幾！我哋 Check In 咗之後，就去咗 六合夜市 掃街食晚飯。

六合夜市一 D 都唔大，比起台北果個士林夜市，簡直冇得比呀！

 

一去到，我即刻買咗一串仔 台南名產烏魚子 試吓 ( 一串包括：烏魚子一細舊、蒜一大片、蔥頭一舊仔)，口感～ OK 啦～

如果只係食舊鮪魚干，就會覺得咸咗 D！但係如果咬埋配件呢，又真係幾香o既～～

轉個頭，我哋走咗去食 排骨酥湯，才料包括有：蘿蔔、莞茜同排骨，佢個湯底真係冇得頂呀！好香！好甜！

跟住我哋仲叫咗 肉燥飯 + 無骨鳯爪 + 菜 ，味道都算唔錯。

  

  

 

傻燕博晒命咁飲木瓜牛奶，而我呢，就博命飲白苦瓜汁。

 

食飽飽之後，我哋就飛快咁返酒店沖涼訓教啦！

返酒店o既途中, 見到呢架車食咗好多張疑似 "牛肉乾" 物體！！仍然堅持唔走！勁！！(唔通响台灣 "牛肉乾" 罰款好平？)

待續 ～ Day 5 ～