事源响 2010 年 11月, 朋友 Joey 見到國泰做緊 "飛！撲！精選～", 即刻話俾我哋知, 我哋梗係o拿o拿聲去睇吓有咩筍o野啦～
結果俾我哋買到價值 HKD990.00 o既泰國來回機票喎！！！真係超開心呀！
(咁呢個價錢當然係未包機場稅及其他雜費啦～)
其實決定去泰國之前, 我哋都有諗緊去菲律賓, 泰國, 定係越南o既, 但係經過 "人質事件" 之後, 又咁啱遇到國泰呢個咁吸引o既優惠, 唔駛諗啦！！就一於泰國啦！
今次班機比以往去旅行o既早, 為免我訓過龍, 所以去咗 Eric 度借宿一宵～
經典地, 我竟然比原定o既時間早咗起身, 响我差唔多梳洗及化完妝後, 再叫 Eric, 佢至識醒, 佢好意外我竟然會早過佢起身～
天都未光, 我哋好準時於 6:20am 抵達巴士站等巴士, 等咗一陣, 巴士就到啦～ 7:06am 我哋已經到咗機場！！！真係超快呀！！！
(當日香港啱啱有寒流襲港, 所以好凍...... 得 13 度咋～ 我哋著晒樽領, 去熱辣辣o既泰國！！落咗機即刻變～身！！)
大小牛龜合照
** 特別鳴謝 Steven 借出紅色大喼一個 ** ^o^
** 特別鳴謝 Steven 借出紅色大喼一個 ** ^o^
人哋一心諗住食 Burger King 家嘛！！！果排已經差唔多朝朝食 M 記做早餐o嫁啦, 真係唔多想食佢, 但係响揀無可揀之下...... 都係唯有要食佢......
食飽飽之後就坐車去另一面登機～ 終於都上機啦～
隔離果位亞叔好勁！佢除咗响食飛機餐果陣放低過本書一陣之外, 全程機都係好努力, 拎支 High-light Pen 係咁畫畫畫, 好似响度改簿咁睇緊本.....................論語！！！
(另外不得不題, 個飛機餐勁豐富！！好好味呀！！！)
睇吓 Eric 幾鬼死梳乎～ 到咗啦！！上去 4/F 撘的士先～
泰友營營友教落, 要影低車牌, 有起咩事上o黎都有得追～ 有得追～
好恐怖, 超多電線, 嚴重影響酒店形象～
(但係入咗呢個牌都仲有成兩分幾鐘至到酒店, 呢個並唔係大門口, 如果係, 咁大間酒店, 個門口竟然係咁o既樣！！！\ @o@ / 你都咪話唔驚～)
(但係入咗呢個牌都仲有成兩分幾鐘至到酒店, 呢個並唔係大門口, 如果係, 咁大間酒店, 個門口竟然係咁o既樣！！！\ @o@ / 你都咪話唔驚～)
我哋响預算時間裡面到逹酒店, 第一間房間係 "1312", 由於我哋想望河景, 所以要求換房, 但係要 2:30pm 至有得 Check in, 我哋決定出去行吓先～
我哋沿住酒店裡面行去另一邊o既 BTS 站出入口, 順便搵埋聽日好重要o既碼頭～
原來碼頭就响酒店後面, 亦係 BTS Saphan Taksin 站o既對面, 超近呀！！
碼頭o既外觀 佢哋都有 Local Tour o嫁～ 不過我哋唔打算 Join
第一時間, 梗係衝到去食水門街o既 -- 海南雞飯啦！！！
泰國真係周不時都咁塞車........
但係好可惜......去到"粉紅色衫" 果檔o既時候, 佢哋竟然已經賣晒 D 雞！！！！！我哋沿住酒店裡面行去另一邊o既 BTS 站出入口, 順便搵埋聽日好重要o既碼頭～
原來碼頭就响酒店後面, 亦係 BTS Saphan Taksin 站o既對面, 超近呀！！
碼頭o既外觀 佢哋都有 Local Tour o嫁～ 不過我哋唔打算 Join
第一時間, 梗係衝到去食水門街o既 -- 海南雞飯啦！！！
泰國真係周不時都咁塞車........
結果轉咗去食 "綠色衫" 果檔～ (勁多雞剩, 初初勁驚唔好食～)
呢間 "綠色衫" o既o野食整體o黎講都好好味！！支果汁好好飲～
食完雞飯之後, 我哋就去咗 Super Rich 唱錢啦～
唱完錢去行咗陣 Big C, 竟然撞到 Eric o既香港朋友仔喎！不過掛住吹水, 吹完水之後先至發現冇影相..........
跟住就轉戰 Sky Bar 嘆世界啦！！！！ (Happy Hour 有半價, 超抵呀！kekeke 全靠我搵資料咋～ ha ha ha ha ha)
途經 Central Word 行去 Sky Bar o既時候, 驚見一個咁大o既商場竟然係具備圓凳仔俾客人坐！！點解唔揀張靚小小o既椅呢吓？我同 Eric 都唔係好明點解要咁安排.........
去到 Sky Bar 啦！大家睇吓幾靚～～ 不過好可惜, 當日天色非常之麻麻！！天陰陰, 完全睇唔到日落呀！！
後尾落雨, 我哋仲要返返入室內坐添～ / _ \
我哋响 Sky Bar 坐到 7:30pm, 跟住就坐 BTR 去 Thong Lo 站食 Mae Varee 芒果糯米飯啦！( 買返酒店當甜品食, keke ) 不過好可惜好食 D o既 [喔Nong] 賣晒啦！！得返 [腩毒賣] 咋！
買完芒果糯米飯之後, 突然落咗場傾盆大雨！！！！好似香港黑雨咁款！！！我哋企埋一面等停雨, 一路掙扎緊仲去唔去 Vientiane Kitchen 食晚飯好......
我哋見橫掂都o黎到咯, 都係差幾步路o者～ 後尾見細雨咗 D, 一於向目標進發！！！(好好彩我哋o既堅持！！先至可以俾我哋食到一間咁好味o既餐廳！真係好好味！呢間餐廳係成個行程裡面最好味o既！Iris！揀得好呀！！！！)
我哋分別叫咗我最愛o既 "生蝦剌身" (勁爽口！！！)、唔食對唔住自己o既 "咖哩炒蟹肉" (好香, 新鮮, 好多蟹肉！)、春卷 (好食, 香口, 冇咩特別難忘～)
至於飲品方面, 呢間o既西瓜沙冰同埋椰青都好香甜, 足料, 好飲！！(呢間餐廳, 大家真係可以一試！Yummy Yummy～ 不過有樣好可惜o既係, 因為我怕辣, 而碟 "咖哩炒蟹肉" 越食就越辣, 結果成碟o野差唔多要 Eric 一個掃晒咁濟, 辛苦晒！！！
)
Eric 同好好人o既老闆娘合照～ (間餐廳係有歌舞表演o嫁～ ^^)
飲飽食醉返到酒店, 酒店已經安排咗另一間望河景o既房俾我哋～ 房號係 1828！
望河景房真係靚好多o嫁！！！靚到～～～～～
一入房, 我已經急不及待開餐食甜品啦！因為碟蟹肉而飽到上晒心口o既 Eric, 已經食唔落個芒果糯米飯, 所以............... 由我一個人獨吞！！！！
望河景房真係靚好多o嫁！！！靚到～～～～～
一入房, 我已經急不及待開餐食甜品啦！因為碟蟹肉而飽到上晒心口o既 Eric, 已經食唔落個芒果糯米飯, 所以............... 由我一個人獨吞！！！！
最估唔到係, 酒店竟然有反叮 (飯 & 椰汁) 服務！！！好貼心呀！！
待續 ～ Day 2 ～
沒有留言:
張貼留言