Iris Wong *一個為結婚, 想寫下心路歷程留為紀念o既 Blog～*: 騰騰震！曼谷開心自由人之旅 17 Mar 2011 ( Day 3 )

今日坐船去 KhaoSan Road 行街街

大家其實一定唔明點解我個 Topic 會用 "騰騰震" o黎形容, 因為唔知攪咩無啦啦有個寒風襲泰, 攪到得返好似香港o既 15 度咁！！我哋完全冇諗過泰國會出現個凍～字！但係竟然可以俾我哋遇到！！仲要勁大風, 我要將件外套拉鏈拉到上頸, 再加件風褸至頂得順！連 Eric 都話凍！仲話如果佢唔著褸都會凍病～我哋離開酒店果陣, 會途經個泳池, 响室外o既員工, 個個都話好凍, 仲話泰國咁耐以o黎, 真係冇乜點試過會咁凍！真係估唔到咁都俾我哋遇到.....

今日亦係天氣最差o既一日, 全日都落雨雨雨雨雨..............
由於又係訓晏咗, 攪到十二點幾至起行, hahahaha, 時間關係, 我哋放棄咗 National Museum BangKoK～直接去行 KhaoSan Road～～

初初以為只可以响 Saphan Taksin BTS Station 去 Hau Lamphone 站, 再轉的士約 25min去到 Sanam Luang 公園側邊, 先至可以去到 KhaoSan Road, 點知原來係可以响酒店隔離果個S6 Central PIER 碼頭坐船仔去o既～ (去大皇宮都係响呢度上船)

呢個就係船程表啦～我哋要去 N13 Phra Arthit Pier ～

落咗船行咗一陣, 就見到一堆食檔, 呢條係入 KhaoSan Road o既必經之路, 呢度o既感覺幾自由, 我同 Eric 都覺得呢個地方唔錯, 鐘意 Hea o既朋友可以o黎呢度住吓, 好多民宿咁款o既住宅～呢度仲好多外籍人仕添！

我哋飢寒交迫, 一於就响呢度食個晏先！我哋叫咗個唔知咩海鮮粉絲, 豬肉河, 同埋個香蕉 Pancake！味道中規中矩啦～但係勝夠平！

繼續向前行, 轉右就行到 KhaoSan Road 啦！

不過由於落雨o既關係, 條街都冇咩人, 後尾停咗雨, D 遊人就出現返晒啦～！(但係當時真係相當之凍, D 外藉人仕個個都著短衫短褲, 瀨晒o野！個個都買咗 D 披肩"嬲"住個身！)

可惜頭先食得太飽, 如果唔係都會試吓個炒麵～

有旅館

果度真係勁多銀器鋪呀！但係最終我睇唔啱, 一件都冇買到o既～

大家切記要响碼頭拎Eric 手上果份黑色o既地圖, 份地圖係絕對非常之咁有用！！！

其實條街話長唔長話短唔短, 又可能係因為落雨啦, 有 D 檔口都冇開, 但係呢個地方真係唔錯, 有小小似忙裡偷閒o既感覺, 可以o黎抖吓, 感受吓都市繁忙中o既寧靜～

行完街街, 我哋就去 Hua Lamphong 站坐 BTS 去 Sam Yan 站 Surawongse 掃街～但係唔知點解........ Surawongse 冇咩o野食o既！！！唔通又係太早？！失望！ / _ \

Eric 收埋勁多散銀囉！！！

結果我哋唯有直接去 Mango Tree 總店, 提前食晚飯～ (本身 Book 咗 7:30pm！結果個天都未黑 6:30pm 就食晚飯 XDDD)

坐低叫咗餸, 就四圍行去影吓相啦, kekekeke

Yummy Yummy～～～～我哋叫咗 "炒金邊粉" (好好味！！)、唔係好辣o既 "青咖哩豬" (唔係勁辣, 啱晒我河車～)、好鮮甜o既蝦 (唔記得咗碟o野叫咩名, 但係勁好食, 唔辣, 個汁甜甜哋, 好香蝦味, 好新鮮)！！

其實 Mango Tree 係有幾間分店o既, 機場果間大家千祈唔好去, 因為聽泰友營 D 營友講, 係一 D 都唔好食o既～而 Central World 定唔記得係 Siam Paragon 裡面都有一間分店, 其他果兩間我唔敢講, 但係呢間總店呢幾味餸, 真係好好味！！